Colosenses

9 Hänge dende näꞌä rä pa dä o̱he de geꞌä, hixtä he̱gihe de gä xatuäbihe Äjuä po geꞌähu̱ ꞌne xtä apäbihe ge dä rꞌaꞌähu̱ rä mfädi pa dä za gi ntiendebihu̱ ndaꞌä rä bolunta ꞌne pa dä maxꞌäꞌihu̱ gi ntiendehu̱ rä noya, 10 pa njabu̱ gi portahu̱ ngu to̱ꞌmi rä Zi Dada Jeoba ꞌne gi pe̱fihu̱ näꞌä di hoꞌä, mientra gi jahu̱ näꞌä rä ꞌme̱fi bri nkargoꞌihu̱ ꞌne gi sigihu̱ gi hänihu̱ näꞌä rä mfädi xa mäjuäni de Äjuä. 13 Näꞌä bi ñängägihu̱ de rä mhända rä ꞌme̱xui ꞌne bi rꞌaskägihu̱ ha rä tsꞌu̱tꞌhui rä hmäkä Tꞌu̱, 15 Näꞌä xa ri hñätsꞌi Äjuä näꞌä hindi nheki, geꞌä rä Mu̱di Tꞌu̱ de gatꞌho näꞌä bi thoki; 16 ngeꞌä po mäde de geꞌä bi thoki gatꞌho nuꞌu̱ märꞌa yä tꞌo̱tꞌe ha mähetsꞌi ꞌne ha rä xiꞌmhai, nuꞌu̱ yä tꞌo̱tꞌe di nheki ꞌne nuꞌu̱ yä tꞌo̱tꞌe hindi nheki, hingi mporta mu̱ yä trono, o yä hmuu, o yä gobiernu, o yä autorida. Gatꞌho nuꞌu̱ märꞌa yä tꞌo̱tꞌe bi thoki po mäde de geꞌä ꞌne pa geꞌä. 17 ꞌNehe, näꞌä bi mꞌu̱i änte de xä thoki gatꞌho nuꞌu̱ märꞌa yä tꞌo̱tꞌe, ꞌne po mäde de geꞌä gatꞌho nuꞌu̱ märꞌa yä tꞌo̱tꞌe bi zo̱ho̱ bi nja, 18 ꞌne näꞌä rä ñäxu de rä ndoyꞌo, rä mhuntsꞌi. Näꞌä geꞌä rä mu̱di, geꞌä mꞌe̱tꞌo de nuꞌu̱ xä du, pa njabu̱ näꞌä dä za dä zo̱ho̱ dä nja näꞌä rä mu̱di ha gatꞌho yä tꞌo̱tꞌe;