Romanos

12 Hänge di bänteꞌihu̱ po rä nhuekäte Äjuä, zi kuhu̱, umbäbihu̱ ri ndoyꞌohu̱ ngu nꞌa rä ofrenda näꞌä te, näꞌä xä ntꞌaxi pa dä numäñho Äjuä. Njabu̱ ma gi ꞌñudihu̱ ge gi usahu̱ ri mfenihu̱ ora gi pe̱päbihu̱ Äjuä. 2 ꞌNe ya ogi ꞌmu̱ihu̱ ja ngu ꞌmu̱i nunä xiꞌmhai; mänꞌa dä hogi gi paatä ri mfenihu̱ pa gi hyandäse̱hu̱ ndaꞌä rä mfeni ꞌne rä bolunta Äjuä. 9 ꞌÑudihu̱ näꞌä rä mhäte hingä rä yohmi. U̱tsahu̱ näꞌä xä ntsꞌo; ogi he̱gihu̱ näꞌä xä ñho. 10 Ko näꞌä rä hogä mhäte de gä ku, mädihu̱ nꞌa ngu mänꞌaa. ꞋNehe go dä ju̱tꞌihu̱ rä ꞌñuu pa gi ꞌñudihu̱ rä tꞌekꞌei ꞌne gi hombäbihu̱ rä ñho märꞌaa. 11 Xa dä mpe̱fihu̱ ꞌne ogyä dähñehu̱. Dä rꞌaꞌähu̱ ndunthi rä tsꞌe̱di ꞌne rä johya rä espiritu santo. Mꞌu̱ihu̱ ngu yä ꞌme̱go Jeoba. 12 Johyahu̱ po näꞌä rä hogä mꞌu̱i gi to̱ꞌmihu̱. Tse̱tihu̱ nuꞌu̱ yä xuñha gi thogihu̱. Sigi gi xadihu̱. 13 De näꞌä gi pe̱ꞌtsihu̱, xe̱päbihu̱ nuꞌu̱ ri kuhu̱ xä huahni Äjuä. Nzäntho pädihu̱ gi uñhu̱ ntsaya. 20 Pe «mu̱ ri nkontra tsu̱ rä thuhu, ꞌuini; mu̱ tsu̱ rä nduthe, umbäbi rä dehe; ngeꞌä mu̱ gi pe̱fi njabu̱ ma gi mundobi yä de̱spi ha rä ñäxu». 21 Ogi hopäbi dä däꞌi näꞌä xä ntsꞌo; go dä sigi gi täpäbi näꞌä xä ntsꞌo ko näꞌä xä ñho.