Salmos

5 Nuga, ha Äjuä di huxä gatꞌho mä komfiansa ꞌne di to̱ꞌmi ko rä pasensia, ngeꞌä di pädi ge go geꞌä ma dä maxkägi. 6 Hää, geꞌä mä däta ndo̱do ꞌne mä ñänte habu̱ dä za gä nkuatꞌi; ¡Nunka toꞌo ma dä za dä huäskägi! 7 Ho̱nse̱ Äjuä go geꞌä dä za dä ñängägi ꞌne dä ꞌñeskä mä nsu. Geꞌä mä däta ndo̱do tse̱di, mä ntaki ꞌne mä Äjuä. 8 Pe̱späbihu̱ rä komfiansa Äjuä. Xipäbihu̱ gatꞌho näꞌä ja ha ri korasohu̱. ¡Äjuä näꞌä nꞌa rä ntaki pa gekhu̱!