Isaías

15 Gehnä xä mängä Jeoba, näꞌä rä Däta Hmuu de gatꞌho rä xiꞌmhai, näꞌä rä Santo ha Israel, enä: «Mu̱ gi pengihu̱ kongeki ꞌne gi to̱ꞌmihu̱ tranquilo, ma gi pongihu̱; mu̱ hingi ntsuhu̱ ꞌne gi ꞌñudihu̱ rä komfiansa, geꞌä ma dä rꞌaꞌähu̱ rä tsꞌe̱di». Pe nuꞌähu̱ hingä nehu̱. 18 Pe rä Zi Dada Jeoba to̱ꞌmi ko rä pasensia ꞌne xä ñhoki pa dä maxꞌäꞌihu̱, ꞌne ma dä mꞌai pa dä rꞌaꞌäꞌhu̱ rä nhuekäte. Ngeꞌä Jeoba näꞌä nꞌa rä Zi Dada de gä justisia. Pe̱ꞌtsi rä johya gatꞌho nuꞌu̱ sigi to̱ꞌmiꞌä. 20 Mäske Jeoba ma dä rꞌaꞌi yä dumu̱i ngu rä thuhme ꞌne yä sufrimiento ngu rä dehe, näꞌä ri Dängä Xahnäte ya hingä ma dä ñꞌägi. ꞌNe ko ri dase̱ nuꞌi ma gi hyandi ri Dängä Xahnäte. 21 ꞌNe nuꞌi ma gi yꞌo̱de nꞌa rä noya ha ri xu̱tha näꞌä di enä: «Gehnä rä ꞌñuu. Ja dä yꞌoua», pa njabu̱ hingi ꞌuengi nixi pa ha ri ñꞌe̱i ꞌne nixi pa ha ri ngähä.