Isaías

54 «¡Mafi ko rä johya, nuꞌi ꞌme̱hñä himbi za gä pe̱ꞌtsi yä bätsi! Mafi ko ndunthi rä johya, nuꞌi hingä tsa nꞌa rä u̱gi ora ꞌmu̱i nꞌa rä bätsi; ngeꞌä yä bätsi näꞌä ꞌme̱hñä xä the̱pu̱, mänꞌa ndunthi ke yä bätsi näꞌä ꞌme̱hñä ꞌmu̱ rä däme —geꞌä xä mängä Jeoba—. 7 Nuꞌmu̱ xa gä po̱nkägihu̱ mä kue̱, dä ägi mä hmi ꞌne dä ꞌuege nꞌa tu̱i de geꞌähu̱. Pe ko näꞌä mä mhäte hingi faya, ma gä huekꞌähu̱», enä Jeoba —näꞌä toꞌo bi daiꞌihu̱ mänꞌaki—. 13 Jeoba go ma dä ꞌñuti hanja dä mꞌu̱i ri bätsi, ꞌne nuyu̱ ma dä me̱ꞌtsi nꞌa rä mꞌu̱i temäꞌentho. 14 ꞌNe ma gi mꞌu̱i habu̱ ma dä nja rä justisia. Ya hinto ma dä maltrataꞌi, Ꞌne ya hinte ma gi tsu nixi hinto ma dä piꞌi. Rä ntsu ya nunka ma dä zu̱ꞌi. 17 Hinte ma dä yꞌo̱tꞌäꞌi ninꞌa de nuꞌu̱ yä arma ma dä thoki kontra geꞌi, ꞌne ma gi kondenä näꞌä rä jäne ma dä ñä kontra geꞌi. Gehnä rä erensia pa nuꞌu̱ pe̱päbi Jeoba, ꞌne ma gä o̱tꞌä rä justicia po geꞌu̱», geꞌä xä mängä Jeoba.