Mateo

3 «Dä johya nuꞌu̱ toꞌo di da ngue̱nda ge di japä mꞌe̱di dä hyoni Äjuä, ngeꞌä go geꞌu̱ ma dä hñäni rä Tsꞌu̱tꞌhui de mähetsꞌi. 4 »Dä johya nuꞌu̱ zoni de gä dumu̱i, ngeꞌä go geꞌu̱ ma dä thuꞌmpäbi yä mu̱i. 5 »Dä johya nuꞌu̱ yä mänxo jäi, ngeꞌä go geꞌu̱ ma dä tꞌumbäbi rä xiꞌmhai de gä erensia. 6 »Dä johya nuꞌu̱ pe̱ꞌtsi rä thuhu ꞌne rä nduthe de gä justisia, ngeꞌä go geꞌu̱ ma dä niñä xä ñho. 7 »Di johya nuꞌu̱ udi rä nhuekäte, ngeꞌä nuꞌu̱ ꞌnehe ma dä ꞌme̱ꞌspäbi rä nhuekäte. 10 »Di johya nuꞌu̱ toꞌo di tꞌu̱tsa po ränge rä justisia, ngeꞌä go geꞌu̱ ri ꞌñepi dä hñäni rä Tsꞌu̱tꞌhui de mähetsꞌi. 11 »Johyahu̱ nuꞌmu̱ po geki yä jäꞌi dä ofendeꞌihu̱, ꞌne dä hyoni te dä yꞌo̱tꞌäꞌihu̱, ꞌne dä gu̱tsꞌäꞌihu̱ yä nkꞌuamba po rängeki. 12 Xa dä johyahu̱, ngeꞌä ha mähetsꞌi bi ja nꞌa rä däta thähä pa geꞌähu̱, ngeꞌä nuꞌu̱ yä profeta bi mꞌu̱ mäyaꞌmu̱, ꞌnehe xa bi tꞌu̱tsa. 23 »Hänge mu̱ nuꞌi gi hätsꞌi ri ꞌmo̱ñhä ha rä altar ꞌne ja gehni gi beni ge ri ku pe̱ꞌtsi nꞌa rä xuñha kontra geꞌi, 24 tsopu̱ näꞌä ri ꞌmo̱ñhä ndelante de rä altar, ꞌne gi ma. Mꞌe̱tꞌo guä hoki nuꞌu̱ yä xuñha ko ri ku, ꞌnepu̱ xki pengi, nubye̱ hää ungä ri ꞌmo̱ñhä. 28 Pe nuga di xiꞌähu̱ ge toꞌo di kꞌatꞌi nꞌa rä ꞌme̱hñä, ja rä ue̱nda ge ya bi komete rä adulterio kongeꞌä ha rä koraso. 29 Hänge, mu̱ näꞌä ri da rä ñꞌe̱i jaꞌi gi mfeꞌtse, hñäi ꞌne fo̱te yabu̱. Ngeꞌä mänꞌa xä ñho pa geꞌi gi ꞌme̱di nꞌa ri da, ke dä tꞌe̱ntꞌi gatꞌho ri ndoyꞌo ha rä Gehena. 30 ꞌNehe, mu̱ näꞌä ri yꞌe̱ rä ñꞌe̱i jaꞌi gi mfeꞌtse, hye̱ki ꞌne fo̱te yabu̱. Ngeꞌä mänꞌa xä ñho pa geꞌi gi ꞌme̱di nꞌa ri yꞌe̱, ke dä tꞌe̱ntꞌi gatꞌho ri ndoyꞌo ha rä Gehena.