1 Pedro

4 Koꞌmu̱ rä Kristo bi za tenguꞌä rä sufrimiento ꞌne rä u̱gi ha rä ngo̱, nuꞌähu̱ ꞌnehe hñähu̱ de gä arhmä näꞌä mfeniꞌä. Ngetꞌho nꞌa rä jäꞌi näꞌä tsa rä sufrimiento ꞌne rä u̱gi ha rä ngo̱; xä hye̱pu̱ yä pekado. 3 Dä geꞌä näꞌä rä tiempo xä thogi habu̱ xkä yꞌo̱thu̱ rä bolunta yä dähni nuꞌmu̱ ngi o̱thu̱ nuꞌu̱ yä tꞌo̱tꞌe nsi ri tsahu̱, ngu yä nkꞌatꞌä jäꞌi, nuꞌmu̱ mi thogi rä ndunthi nuꞌu̱ yä ithe ngi tsihu̱, yä ngo habu̱ ꞌñenä mi nogo yä jäꞌi, yä nti, ꞌne nuꞌmu̱ mi thogi yä ntsꞌo nuꞌu̱ yä idolatria ngi pe̱hu̱. 7 Pe ya xä ꞌñepu̱ näꞌä rä pa habu̱ ma dä gätsꞌi gatꞌho yä tꞌo̱tꞌe xä ntsꞌo. Hänge ꞌñudihu̱ ge ja ri mfenihu̱ ꞌne ogi he̱gihu̱ de gi xatuäbihu̱ Äjuä. 8 Pe ogi pumfrihu̱ xa gi mädihu̱ nꞌa ngu mänꞌaa. Ngeꞌä rä mhäte koꞌmi nꞌa tꞌo̱ꞌtse yä pekado. 13 Näꞌä gi yꞌo̱thu̱, sigi gi johyahu̱ mientra gi thogihu̱ nuꞌu̱ yä sufrimiento bi thogi rä Kristo, pa njabu̱ gi johyahu̱ ꞌnehe ꞌne dä ñuxä ri johyahu̱ durante näꞌä rä tiempo ma dä nheki rä nsunda rä Kristo. 14 Mu̱ di tsꞌañꞌäꞌihu̱ po ränge rä Kristo, nuꞌähu̱ gi johyahu̱, ngeꞌä rä espiritu de gä nsunda, hää, rä espiritu santo Äjuä ꞌmu̱i kongeꞌähu̱. 15 Pe, ninꞌa de geꞌähu̱ hindä sufri ngu nꞌa rä hyote o ngu nꞌa rä be o ngu nꞌa rä yꞌo̱tꞌä tsꞌoki o ngu nꞌa rä jäꞌi näꞌä di nthintꞌi ha yä asunto märꞌaa.