Marcos

11 Mu̱ ha nꞌa rä luga hinto dä rꞌaꞌähu̱ tsaya o hinto dä yꞌo̱xꞌäꞌihu̱, xki po̱nihu̱ de gehni, fe̱kihu̱ näꞌä rä fonthai ja ha ri uahu̱, pa nꞌa rä testimonio pa geꞌu̱». 30 Yä apostol bi muntsꞌi habu̱ mi ꞌmai rä Hesu ꞌne bi mete gatꞌho näꞌä xki ꞌñudiꞌu̱ ꞌne xki me̱fi. 31 ꞌNe rä Hesu bi ꞌñembäbiꞌu̱: «Maha, ma gä honihu̱ nꞌa rä luga habu̱ dä za gi tsayahu̱ nꞌa tu̱i». Bi mängä njabu̱ ngeꞌä yä jäꞌi mi pa ꞌne mi ehe, ꞌne nuꞌu̱ yä apostol rä Hesu nixi xki zu̱ rä ora pa dä ñuni. 32 Hänge nuꞌu̱ bi bo̱xä ha nꞌa rä lancha pa xä ꞌuegehmä de yä jäꞌi ꞌne xä za xä ntsayahmä nꞌa tu̱i. 33 Pe yä jäꞌi bi hyandi ora bi maꞌu̱ ꞌne bi xipäbi märꞌaa. Hänge yä jäꞌi de gatꞌho yä hnini bi ma ñꞌoua ꞌne bi tso̱niꞌu̱ mꞌe̱tꞌo ke geꞌu̱. 34 Mi gäiꞌu̱ de rä lancha, rä Hesu bi hyandi nuꞌu̱ yä jäꞌi ya mi ꞌmahni mi to̱ꞌmi ꞌne näꞌä xa bi hueki ngeꞌä nuꞌu̱ yä jäꞌi ꞌñenä myä zi de̱ti nsi rä mayꞌo. Hänge rä Hesu bi mu̱di bi ꞌñuti de Äjuä. 35 Koꞌmu̱ ya mi ndee, nuꞌu̱ yä de̱ni bi ꞌñembäbi rä Hesu: «Di yꞌohu̱ yabu̱ ꞌne ya bi ndee. 36 ꞌÑedi nuyu̱ yä jäꞌi pa dä ma dä dai te dä zi ha nuꞌu̱ yä luga kohi getbu̱». 37 Pe rä Hesu bi dädi: «Go dä umbäbihu̱ te dä zi». Hänge nuꞌu̱ bi ꞌñembäbi: «¿Gi ne go gä mahe gä tañhe 200 denario rä thuhme pa gä umbäbihe te dä zi nuyu̱ yä jäꞌi?». 38 Rä Hesu bi ꞌñembäbiꞌu̱: «¿Hängu yä thuhme gi hñähu̱? Guä hanthu̱». Mi hyandi, nuꞌu̱ bi ꞌñenä: «Ho̱nse̱ ku̱tꞌa ꞌne yoho yä zi peskado». 39 ꞌNepu̱ rä Hesu bi ñembäbi gatꞌho nuꞌu̱ yä jäꞌi ge dä hñudi de gä grupo ha yä tꞌe̱i. 40 Hänge nuꞌu̱ bi forma yä grupo de gä 100 ꞌne de gä 50. 41 Nubye̱ rä Hesu bi gu̱ nuꞌu̱ ku̱tꞌa yä thuhme ꞌne nuꞌu̱ yoho yä zi peskado, bi no̱ꞌtse mähetsꞌi ꞌne bi ja nꞌa rä sadi. ꞌNepu̱ bi hyeke nuꞌu̱ yä thuhme ꞌne bi umbäbi yä de̱ni pa bi repartibi yä jäꞌi. ꞌNe bi jabu̱ ꞌnehe ko nuꞌu̱ yoho yä peskado. 42 Gatꞌho yä jäꞌi bi ñuni ꞌne bi niñä. 43 ꞌNepu̱ bi mhuntsꞌi nuꞌu̱ yä thuhme ꞌne nuꞌu̱ yä peskado xki bongi. Po gatꞌho bi mhuntsꞌi 12 ꞌmo̱tsꞌe. 44 Ngu mi 5.000 nuꞌu̱ yä ñꞌo̱ho̱ bi ñuni.