Mateo

4 ꞌNepu̱ rä tsꞌe̱di Äjuä bi zitsꞌi rä Hesu ha rä yꞌotꞌä ꞌmatha habu̱ rä Diablo bä japä yä tentasio. 2 Mꞌe̱fa de xki ayunä 40 yä pa ꞌne 40 yä xui, näꞌä bi zu̱di rä thuhu. 3 ꞌNe rä Diablo bi ma bä tsu̱di ꞌne bi ꞌñembi: «Mu̱ rä tꞌu̱ꞌi Äjuä, japäbi nuya yä do dä nthuhme». 4 Pe näꞌä bi dädi: «Xä ntꞌofo: “Hingä ho̱nse̱ ko rä ñhuni ma dä te rä jäꞌi, pe hää de gatꞌho nuꞌu̱ yä noya bi ehe de Jeoba”». 10 Rä Hesu bi däti: «Xä ntꞌofo: “Xo̱kämbeni Jeoba ri Zi Dada ꞌne ho̱nse̱ꞌä debe gi pe̱päbi”». 17 Dende geꞌmu̱, rä Hesu bi mu̱di bi ungä ntꞌo̱de rä Noya Äjuä ꞌne mi enä: «Arrepentihu̱, ngeꞌä rä Tsꞌu̱tꞌhui de mähetsꞌi ya ꞌmu̱i getbu̱». 23 Rä Hesu bi ma po gatꞌho Galilea pa mi udi ha nuꞌu̱ yä ngu de gä mhuntsꞌi mi ja ha näꞌä luga, ꞌne mi uti yä jäꞌi nuꞌu̱ yä hogä notisia de rä Tsꞌu̱tꞌhui Äjuä. ꞌNehe mi o̱the yä jäꞌi ꞌne mi häkuäbi nuꞌu̱ yä u̱gi mi pe̱ꞌtsi.