Proverbios

15 Toꞌo dä ñä ko rä ñhojäꞌi japi dä tsaya yä kue̱, pe nuꞌu̱ yä noya u̱nte japi dä nja yä kue̱. 4 Näꞌä jäne ñä ko rä tꞌekꞌei, ꞌñenä ngu nꞌa rä arbol de gä te. Pe nuꞌu̱ yä noya u̱nte, japi dä ꞌuagi rä espiritu nꞌa rä jäꞌi. 15 Toꞌo turämu̱i, gatꞌho yä pa xä ntsꞌo. Pe toꞌo di johya rä koraso, pa geꞌä njatꞌä pe̱ꞌtsi nꞌa rä ngo. 17 Mänꞌa xä ñho nꞌa mohi rä ju̱u̱ habu̱ ja rä mhäte, ke habu̱ ja nꞌa rä nokä doro ꞌne ho̱nse̱ ja rä ntꞌu̱tsate. 18 Nꞌa rä jäꞌi näꞌä hingi dominä rä kue̱ japi dä nja yä tuhni, pe toꞌo udi rä pasensia japi dä tsaya yä kue̱. 22 Habu̱ hingi ja nꞌa rä hogä platika, hingi po̱ni xä ñho nꞌa rä ꞌme̱fi. Pe habu̱ ꞌmu̱i ndunthi nuꞌu̱ uni yä hogä tsꞌofo, hää po̱ni xä ñho yä tꞌo̱tꞌe. 23 Nꞌa rä jäꞌi pe̱ꞌtsi rä johya ora thädi xä ñho. ¡ꞌNe hängu rä ñho o̱tꞌe nuꞌu̱ yä noya mähotho ora di mhää nuꞌmu̱ xa di ja mꞌe̱di! 28 Rä koraso nꞌa rä hojäꞌi, mꞌe̱tꞌo di mbeni te ma dä dädi, pe ha rä ne yä tsꞌomꞌu̱i, po̱ni yä tsꞌo noya. 32 Toꞌo di u̱tsa rä disciplina, di u̱tsa ꞌnehe rä te, pe toꞌo o̱de yä tsꞌofo, ma dä bädi dä hyandi ndaꞌä xä ñho ꞌne ndaꞌä xä ntsꞌo.