2 Timoteo

16 Pe rechaza nuꞌu̱ yä noya hinte di muui ꞌne tsꞌoni näꞌä xä ntꞌaxi, ngeꞌä nuꞌu̱ mänꞌa yꞌo ri me̱fi näꞌä xä ntsꞌo. 20 Nubye̱ ha nꞌa rä däta nguu, hingi ja ho̱nse̱ yä kosa de gä oro ꞌne de gä plata, ꞌnehe ja de gä zaa ꞌne de gä domhi. Rꞌa de geꞌu̱ xä thoki pa nuꞌu̱ yä tꞌo̱tꞌe ja yä nsu, ꞌne märꞌa de geꞌu̱ pa nuꞌu̱ yä tꞌo̱tꞌe otho yä nsu. 21 Hänge mu̱ toꞌo dä ꞌuege de gehya, ma dä zo̱ho̱ dä nja ngu nꞌa de nuꞌu̱ yä kosa xä thoki pa nꞌa rä hogä tꞌo̱tꞌe, xä nsunda, ꞌne xa ma dä sirbebi rä dueñu, ngeꞌä xä thoki pa nꞌa rä hogä ꞌme̱fi. 22 Hänge ꞌuege de nuꞌu̱ yä nkꞌatꞌi di ñꞌoui rä mbäsjäꞌi, ꞌne de̱ni rä justisia, rä jamfri, rä mhäte, rä mꞌu̱i temäꞌentho, mähye̱gi ko nuꞌu̱ maꞌti rä Hmuu ko nꞌa rä koraso xä ntꞌaxi. 24 Rä ꞌme̱go rä zi Hmuu hingi pe̱ꞌtsä rä nesesida dä ntuhni, sino ke debe dä ꞌñudi rä ñhojäꞌi ko ngatꞌho, dä bädi dä nxahnäte, dä dominä rä mfeni ora dri maltrata, 25 ꞌne dä me̱tsä rä pasensia ora uti nuꞌu̱ hää ne dä bädi. Tal vez Äjuä dä umbä rä oportunida de dä arrepenti ꞌne dä bädi näꞌä xa mäjuäni, 26 Pa njabu̱ näꞌä jäꞌi dä rekupera rä juisio ꞌne dä za dä kꞌotꞌi de näꞌä rä xägu xä me̱kuäbi rä Zithu, ngeꞌä näꞌä ya xä hyu̱ꞌtsi ntetho näꞌä jäꞌi pa go dä me̱päbibye̱ rä bolunta.