Salmos

56 Mä Zi Dadaꞌi, po rä mäte faxkägi, ngeꞌä yä jäꞌi ne dä zagägi. Gatꞌho tuhni kontra geki ꞌne xa di tsꞌiskägi. 2 Gatꞌho rä pa nuꞌu̱ mä nkontra xa di u̱tsagi, ꞌne asta exä yä nsu ꞌne thede ora nabgäbi. 3 Ora di tsu, ¡mä komfiansa ꞌmu̱i Kongeꞌi! 4 Ha Äjuä näꞌä toꞌo di nsundabi rä thuhu, ja gehni di huxä gatho mä komfiansa ꞌne geꞌä faxkägi pa hingä ntsu. ¿Te go ma dä yꞌotkägi rä jäꞌi? 8 Nuꞌi xkä hyandäse̱ ge di yꞌo de gä nani. Muntsꞌä mä gida ꞌne pe̱ꞌtsä ha nꞌa rä bota de gä mꞌothe. ¿Hage hixkä yꞌofo kada nꞌa de geꞌu̱ ha ri libro? 9 Ora gä matꞌäꞌi pa gi faxkägi, nuꞌu̱ mä nkontra ma dä ꞌuege de geki. Hinte mä duda di pe̱ꞌtsi ge Äjuä ꞌmu̱i de mä lado. 11 nuga xtä huxä mä komfiansa ko Äjuä, hänge hinte di tsu. ¿Te go ma dä yꞌo̱tkägi rä jäꞌi? 12 Mä Zi Dadaꞌi, ma gä kumpli gatꞌho näꞌä xtä prometeꞌi. Ko yä jähñä nzäntho ma gä jamädiꞌi. 13 Ngeꞌä nuꞌi xkä ñängägi de rä du ꞌne hixkä hokägi gä mfeꞌtse ꞌne gä tagi. ꞌNe njabu̱ xä za xtä yꞌo ndelante de Äjuä, ha rä ñotꞌi ko nuꞌu̱ ja yä te.