Romanos

5 Ngeꞌä nuꞌu̱ toꞌo ꞌmu̱i ja ngu mändabi rä ngo̱, hutsꞌi yä mfeni ha nuꞌu̱ yä tꞌo̱tꞌe de rä ngo̱, pe nuꞌu̱ toꞌo ꞌmu̱i ja ngu mändabi rä espiritu, hutsꞌi yä mfeni ha nuꞌu̱ yä tꞌo̱tꞌe de rä espiritu. 6 Ngeꞌä toꞌo hutsꞌi rä mfeni ha rä ngo̱ signifika rä du, pe toꞌo hutsꞌi rä mfeni ha rä espiritu signifika rä te ꞌne nꞌa rä mꞌu̱i temäꞌentho. 13 Ngeꞌä mu̱ nuꞌähu̱ gi pe̱fihu̱ näꞌä adi ri ndoyꞌohu̱, nuꞌmu̱ ma gi tuhu̱; pe mu̱ ko rä mfatsꞌi rä espiritu santo gi hyohu̱ nuꞌu̱ yä tsꞌo tꞌo̱tꞌe adi ri ndoyꞌohu̱, nuꞌmu̱ ma gi tehu̱. 19 Ngeꞌä näꞌä xä thoki, xa to̱ꞌmi näꞌä rä pa xti nheki yä bätsi Äjuä. 20 Ngeꞌä yä mexiꞌmhai bi the̱gi dä mꞌu̱i ko rä tsꞌoki, —hingä po yä boluntase̱, sino po rä bolunta Näꞌä toꞌo bi hye̱gi— ngeꞌä Näꞌä mi pädi ge mi pe̱ꞌtsi nꞌa rä humu̱i pa geꞌu̱ 21 ge ma drä xoꞌti de rä tsꞌoki pa ya hindä mꞌu̱i de gä esclavo de rä pekado ni de rä du. Njabu̱, yä mexiꞌmhai ma dä mꞌu̱i libre, ꞌne Äjuä nubye̱ ma dä yꞌo̱tꞌe yä bätsi. 22 Di pädihu̱ ge gatꞌho yä mexiꞌmhai, asta mäpaya sigi däntsꞌi po ränge yä u̱gi ꞌne nuꞌu̱ yä sufrimiento ja. 24 Ngeꞌä bi ñängägihu̱ nunä humu̱i; pe mu̱ nꞌa rä humu̱i di nheki nuꞌmu̱ hingä rä humu̱i, ngeꞌä mu̱ nꞌa rä jäꞌi ya handi nꞌa rä tꞌo̱tꞌe, ¿ma dä do̱ꞌmi? 25 Pe mu̱ nuju̱ di to̱ꞌmihu̱ näꞌä tobe hindi handihu̱, nuꞌmu̱ di sigi di ndo̱ꞌmihu̱ ꞌne di uantahu̱. 26 Njabu̱ ꞌnehe, rä espiritu ꞌnehe di joni pa dä maxkägihu̱ ko nuꞌu̱ mä debilidahu̱; ngeꞌä näꞌä xuñha di pe̱ꞌtsihu̱, ge hindi pädihu̱ gä adihu̱ ngu ri ꞌñehe näꞌä jakägihu̱ mꞌe̱di, pe rä espiritu ñä po gekhu̱ ora hingi tsa gä xipäbihu̱ näꞌä di sentihu̱. 35 ¿Toꞌo ma dä ꞌuegägihu̱ de rä mhäte rä Kristo? ¿Yä xuñha? ¿Yä dumu̱i? ¿Yä ntꞌu̱tsate? ¿Rä thuhu? ¿Rä ñhoya? ¿Rä peligro? ¿Rä däjuäi? 37 Pe di täpäbihu̱ gatꞌho nuya yä kosa, po ränge näꞌä toꞌo xä mäkägihu̱. 38 Ngeꞌä di ꞌmu̱i kombensido ge ni rä du, ni rä te, ni yä e̱nxe̱, ni yä gobiernu, nixi nuꞌu̱ yä kosa ja mäpaya, nixi nuꞌu̱ yä kosa ma dä nja xudi ndämäni, nixi nuꞌu̱ hä rä tsꞌe̱di, 39 nixi näꞌä xä hñetsꞌi, nixi näꞌä xä ñhee, nixi nuꞌu̱ märꞌa yä kosa xä thoki, hinto dä za dä ꞌuegägihu̱ de rä mhäte Äjuä näꞌä ꞌmu̱i ko mä zi Hmuuhu̱ rä Ñhesukristo.