1 Samuel

3 Näꞌä ñꞌo̱ho̱ mi po̱tsꞌe dende ha rä hnini tatꞌä je̱ya pa mi xo̱kämbeni ꞌne mi umbäbi yä ofrenda Jeoba de yä ejército ha Siló. Ja gehni habu̱ nuꞌu̱ yoho yä tꞌu̱ Elí, Hofní ꞌne Finehás, mi pe̱päbi Jeoba ngu yä majhä. 10 Ana ko ndunthi rä dumu̱i bi mu̱di bi xatuäbi rä Zi Dada Jeoba ꞌne xa mi zoni. 11 ꞌNe gehnä bi prometebi rä Zi Dada Jeoba: «¡Oh Jeoba, nuꞌi gi pe̱ꞌtsi gatꞌho rä tsꞌe̱di! ¡Hyandi hängu xa di sufri! Mu̱ gi beni nunä ri ꞌme̱go ꞌne hingi pumfrigi ꞌne gi rꞌakägi nꞌa rä zi bätsi drä me̱ꞌtsi, nuga ma gä ntregaꞌi Jeoba pa dä me̱pꞌäꞌi gatꞌho rä bida, ꞌne nunka ma dä tꞌäxi». 18 ꞌNe Ana bi dädi: «Numäñho ꞌne jäpi nunä ri ꞌme̱go». ꞌNepu̱ bi ma, bi ma bä ñuni ꞌne de rä hmi bi mꞌe̱di näꞌä rä dumu̱i mi senti.