1 Corintios

4 Ngeꞌä mä konsiensia hingi tsu̱kägi. Pe hingä po geꞌä di signifika ge hinte mä pekado di tu, ngeꞌä Jeoba go geꞌä hanꞌgägi. 6 Zi kuhu̱, di mängä nuya yä noya, ꞌne xtä xiꞌähu̱ ge pa ri ñhouihu̱ gi hyandihu̱ näꞌä di pe̱fihe nuga ꞌne Apolos, pa gehnä xa mähyoni gi benihu̱ ge: «Ho̱nse̱ debe drä jamäsu näꞌä xä ntꞌofo hingä näꞌä hinxä ntꞌofo». Pa njabu̱ hingi ñꞌorgullosohu̱, ꞌne hingi numäñhohu̱ ho̱nse̱ rꞌaa ꞌne märꞌaa hinä. 7 ¿Te jaꞌi gi mbeni ge mänꞌa ja ri nsu ke märꞌaa? ¿Hage hingo xä rꞌaꞌi Äjuä gatꞌho näꞌä gi pe̱ꞌtsi? Mu̱ gatꞌho go xä rꞌaꞌi Äjuä, ¿por hanja gi yꞌobu̱ gi exä ri nsu ꞌñenä ge po ri tsꞌe̱dise̱ gi pe̱ꞌtsi gatꞌho? 9 Ngeꞌä pa geki, Äjuä ꞌñenä xä yꞌe̱gägihu̱ asta mꞌe̱fa nuju̱ dyä apostolhu̱, ꞌne xä hñuxkägihu̱ ngu nuꞌu̱ yä ñꞌo̱ho̱ ya ma dä tho, ngeꞌä di ꞌmu̱ihu̱ ante rä thandi gatꞌho rä xiꞌmhai, tanto ha yä thandi yä e̱nxe̱ ꞌne yä jäꞌi.