2 Reyes

3 ꞌNe nuꞌu̱ bi ꞌñembäbiꞌä: «Gehnä xä mängä Ezequías: “Nunä pa, nꞌa rä pa de gä dumu̱i ꞌne de gä u̱gi; nuju̱ di njahu̱ ngu nꞌa rä ꞌme̱hñä näꞌä hinte mä tsꞌe̱di pe̱ꞌtsi ꞌne ya bi zo̱ho̱ rä ora pa dä mꞌu̱i rä bätsi. 4 Xähmä Jeoba ri Zi Dada dä yꞌo̱de gatꞌho nuꞌu̱ yä noya xä mängä rabsaqué, näꞌä ñꞌo̱ho̱ bä pe̱hni rä rey de Asiria pa bi xaxi ꞌne bi yꞌo̱ꞌtuä rä burla näꞌä rä Zi Dada te, ꞌne Näꞌä dä yꞌapäbi ngue̱nda näꞌä ñꞌo̱ho̱ꞌä po gatꞌho nuꞌu̱ yä noya xä yꞌo̱de ri Zi Dada Jeoba. ꞌNe nuꞌi pe̱ꞌtsi te gi xatuäbi Äjuä po nuꞌu̱ xä bongi. 6 ꞌnepu̱ Isaías bi ꞌñembäbiꞌu̱: «Gehnä ma gi xipäbi ri hmuu: “Gehnä xä mängä Jeoba: «Ogi tsu nuꞌu̱ yä noya gä yꞌo̱de, nuꞌu̱ yä noya bi xiꞌähu̱ yä mꞌe̱hni rä rey de Asiria pa dä ñämäñꞌu̱ de geki. 7 Nuga di e̱ntꞌuäbi ha rä ñäxu nꞌa rä mfeni, ꞌne näꞌä pe̱ꞌtsi te dä yꞌo̱de nꞌa rä imforme pa dä mengi ha rä hnini; ꞌne nuga ma gä japi dä tho ko rä majuai ha rä hninise̱»”». 10 «Gehnä ma gi xipäbihu̱ rä Ezequías näꞌä rä rey de Judá: “Ogi hopäbi ge näꞌä ri Zi Dada näꞌä xkä pe̱ꞌspäbi rä komfiansa dä hyaꞌäꞌi, nuꞌmu̱ enä: “Jerusalén hingä ma dä dagi ha rä rey de Asiria”». 11 ¡Hyandi! Nuꞌi xkä yꞌo̱de näꞌä bi me̱fi rä yä rey de Asiria ko ngatꞌho nuꞌu̱ yä dähni bi huati. ¿Gi kamfri ge nuꞌi ma gi kꞌotꞌi de mä yꞌe̱? 12 ¿Hage nuꞌu̱ yä zidada mi pe̱ꞌtsi nuꞌu̱ yä dähni bi huati mä xita, bi za bi ñäniꞌu̱? ¿Xi habu̱ gi gohi Gozán, Harán, Rézef, ꞌne nuꞌu̱ yä jäꞌi de Edén mi ꞌmu̱i ha Tel-Asar? 13 ¿Habu̱ bi goꞌä rä rey de Hamat ꞌne rä rey de Arpad ꞌne rä rey de nuꞌu̱ yä dähni de Sefarvaim, Hená ꞌne Ivá?”». 15 ꞌNe Ezequías nubye̱ bi xatuäbi Jeoba ꞌne bi ꞌñembi: «Oh Jeoba rä Zi Dada de Israel, xkä hñudi de gä ndä mädetho de yä Querubín, nuꞌi ho̱nse̱ꞌi grä Äjuä mäjuäni de gatꞌho nuꞌu̱ yä tsꞌu̱tꞌhui ja ha rä xiꞌmhai. Nuꞌi go xkä hyoki mähetsꞌi ꞌne rä xiꞌmhai. 16 ¡Xoki ri gu, oh Jeoba ꞌne yꞌo̱de! ¡Xoki ri da, oh Jeoba ꞌne hyandi! Yꞌo̱de nuꞌu̱ yä noya xpä pe̱hnä Senaquerib pa dä xaxi rä Zi Dada näꞌä te. 17 Hää mäjuäni, oh Jeoba, ge nuꞌu̱ yä ndä de Asiria xä huati yä dähni ko ngatꞌho yä hnini. 19 Pe nubye̱, oh Jeoba mä Zi Dadaꞌihe, po rä mäte ñängägihe de rä yꞌe̱ꞌä, pa njabu̱ gatꞌho nuꞌu̱ yä tsꞌu̱tꞌhui ja ha rä xiꞌmhai dä bädi ge nuꞌi, ho̱nse̱ꞌi grä Äjuä, oh Jeoba». 21 Gehnä rä noya xä mängä Jeoba kontra geꞌä: «Näꞌä nxutsi rä tꞌixu Sion di u̱tsaꞌi ꞌne o̱tꞌäꞌi rä burla. Rä tꞌixu Jerusalén di hmäni rä ñä ꞌne theñꞌäꞌi. 22 ¿Toꞌo näꞌä xkä xaxi ꞌne xkä burla? ¿Toꞌo näꞌä xkä maꞌti ꞌne xkä ju̱ꞌspäbi nuꞌu̱ ri da de gä ꞌñexmänsu? ¡Go xkä jabu̱ näꞌä rä Zi Dada de Israel! 25 ¿Hage hixkä o̱de? Dende mäyaꞌmu̱ gehnä bri desidi dä tꞌo̱tꞌe. Ya xä thogi ndunthi yä pa dende nuꞌmu̱ dä fu̱di dä planea, ꞌne nubye̱ ma gä hoki. Ma gä japäbi ge nuꞌu̱ yä hnini xä thoki mähotho ꞌne jotꞌi xä ñho, nubye̱ ma dä gohi ho̱nse̱ yä dongu. 28 ngeꞌä ri kue̱ xo̱ bo̱tsꞌe kontra geki, ꞌne xtä o̱de hanja xkä gexkä ri tsꞌii. ꞌNe ma gä fotsꞌä nꞌa rä gancho ha ri xiñu ꞌne mä freno ha ri ne, ꞌne ma gä tsixäꞌi pa gi pengi ha näꞌä rä ꞌñuu habu̱ xkuä ehe». 32 «“Hänge nubye̱, gehnä xä mängä Jeoba kontra rä rey de Asiria: «Näꞌä hingä ma dä yu̱tꞌi ha nunä hnini, hingä ma dä päntsꞌiua nixi nꞌa rä flecha, hingä ma dä zo̱kua ko rä eskudo, nixi ma dä zo̱ho̱ pa dä gotꞌi rä hnini.