Isaías

2 Ora xki rꞌaxä ha yä dehe, nuga ma gä ꞌmu̱i kongeꞌi, ꞌne xki rꞌaxä ha yä däthe ma gä japi hindä gobꞌäꞌi. Ora xki thogi ha rä tsibi hingä ma dä zäꞌi. 4 ꞌNe dä numäñhoꞌi, ꞌne dä etsꞌäꞌi ri nsu, ꞌne nuga xa di mäꞌi. Hänge ma gä ntrega yä jäꞌi po geꞌi ꞌne go ma gä ntrega yä dähni po ri bida. 9 Dä muntsꞌi gatꞌho yä dähni ꞌne yä hnini ha nꞌadä rä luga. ¿Toꞌo de gatꞌho nuꞌu̱ yä zidada dä za dä mängä njaua? ¿O toꞌo de geꞌu̱ dä za dä mää mꞌe̱tꞌo näꞌä ma dä thogi? Hyopäbihu̱ dä zohni nuꞌu̱ yä testigo pa dä ꞌñudi mu̱ xa mäjuäni pe̱ꞌtsä nraso, Hyopäbihu̱ dä ñä pa dä ꞌñenä: «¡Hää xa mäjuäni!”». 10 «Nuꞌähu̱, go mä testigoꞌihu̱ —njabu̱ mängä Jeoba—, hää, go geꞌi mä ꞌme̱go näꞌä xtä huahni, pa gi päkägi ꞌne gi kamfrigi, ꞌne pa gi ntiende ge nuga go Gekägitho ꞌne hixtä mpadi. Änte de geki hinte mä Zi Dada mi ꞌmu̱i, ꞌne mꞌe̱fa de geki hinte mä Zi Dada ma dä zo̱ho dä mꞌu̱i. 11 Nuga, nuga go geki Jeoba, ꞌne ho̱nse̱gi drä ñänte ꞌne joꞌo mä nꞌaa». 12 «Nuga go Geki xtä mää te ma dä thogi, go geki näꞌä toꞌo xä ñäñꞌäꞌi ꞌne xä jaꞌi gi pädi, nuꞌmu̱ hinte mä hyate zidada ngi xo̱kämbenihu̱. Hänge nuꞌähu̱ go geꞌähu̱ mä testigoꞌihu̱ —njabu̱ xä mängä Jeoba— ꞌne nuga go geki Äjuä.