Efesios

6 Bätsihu̱, yꞌo̱te ri dadahu̱ mähye̱gi ko rä zi Hmuu, ngeꞌä geꞌä ri ꞌñehe gi pe̱hu̱. 2 «Umbä rä tꞌekꞌei ri dada ꞌne ri nänä» gehnä rä mu̱di mhända ko nꞌa rä promesa: 3 «Pa dä maꞌi xä ñho ꞌne dä za gi ꞌmu̱i po ndunthi rä tiempo ha rä xiꞌmhai». 4 Ha nuꞌähu̱ gyä dadahu̱, ogi japhu̱ dä nkue̱ ri bätsihu̱, sino sigi gi tedehu̱ ja ngu adi näꞌä rä disciplina ꞌne nuꞌu̱ yä konseho ehe de rä Zi Dada Jeoba. 12 ngeꞌä nuju̱ di pe̱ꞌtsihu̱ nꞌa rä tuhni, hingä kontra rä ji ꞌne rä ngo̱, sino kontra yä gobiernu, kontra yä autorida, kontra yä ndä de nunä rä xiꞌmhai xä zo ha rä ꞌme̱xui, kontra nuꞌu̱ yä tsꞌondähi ha nuꞌu̱ yä luga bi kohi mähetsꞌi. 13 Po rä ngeꞌä, ngu nꞌa rä soldado, hyehu̱ mäxo̱ge näꞌä rä armadura bi ehe de Äjuä, pa njabu̱ dä za gi ze̱tihu̱ xti zo̱ho̱ näꞌä rä pa xä ntsꞌo. 14 Hänge tse̱tihu̱, ꞌne hñuxu̱ xä ñho näꞌä ri ngu̱tꞌihu̱ de näꞌä mäjuäni, ꞌne hñutsꞌihu̱ rä coraza de rä justisia, 15 ꞌne tiꞌtihu̱ xä ñho ri thizahu̱ ꞌne ꞌñudihu̱ ge xkä ñhokihu̱ pa gi uñhu̱ ntꞌo̱de yä rꞌayꞌo hogä noya de nꞌa rä mꞌu̱i temäꞌentho. 16 Aparte de gehya, hñutsꞌihu̱ ri jamfrihu̱ ngu nꞌa rä däta escudo, pa kongeꞌä dä za gi hueꞌtihu̱ gatꞌho nuꞌu̱ flecha faspi e̱mpꞌähu̱ rä tsꞌondähi. 17 ꞌNehe, hñutsꞌihu̱ näꞌä rä yelmo ma dä ñäñꞌäꞌihu̱, ꞌne rä majuai de rä espiritu, näꞌä rä noya Äjuä, 18 ꞌne mientra gi xadihu̱ de gatꞌho yä forma ꞌne gi bäntehu̱, sigi gi xadihu̱ nzäntho ko rä espiritu. ꞌNe po geꞌä ogi ähähu̱, bäntehu̱ nzäntho po ränge gatꞌho yä santo. 19 Xadihu̱ ꞌnehe po geki, pa dä tꞌakägi nuꞌu̱ yä noya ora di xoki mä ne, ꞌne njabu̱ nuga hingä ntsu de gä ungä ntꞌo̱de näꞌä rä mäkä sekreto de nuꞌu̱ yä rꞌayꞌo hogä noya,