Jeremías

5 Gehnä xä mängä rä Zi Dada Jeoba: «Dä mabi xä ntsꞌo toꞌo kamfribi yä mi jäꞌiui, ꞌne go huxä rä komfiansa ha näꞌä rä tsꞌe̱di pe̱ꞌtsiꞌu̱, ꞌne rä koraso go di ꞌuege de rä Zi Dada Jeoba. 7 Njäpi näꞌä rä ñꞌo̱ho̱ xä hñuxä rä jamfri ha Jeoba, rä komfiansa ꞌmu̱i ko Jeoba. 8 Näꞌä ma dä zo̱ho̱ dä nja ngu nꞌa rä arbol näꞌä xä tꞌetꞌi ha rä hyo yä däthe, ꞌne yä yꞌu̱u̱ te̱ni habu̱ thogi yä nzo̱the. Näꞌä hingä ma dä ngue̱nda xti zo̱ho̱ rä pahyadi, sino nuꞌu̱ yä xii nzäntho xträ nkꞌami. ꞌNe ha näꞌä rä je̱ya de gä seka, näꞌä hingä ma dä durämu̱i, nixi ma dä hye̱gi de dä uni yä fruta. 9 »Rä koraso geꞌä mänꞌa rä traisionero de gatꞌho ꞌne hingi ho dä yꞌo̱de. ¿Toꞌo dä za dä bädi te nguꞌä? 10 Nuga Jeoba, di xeni te ja ha mbo rä koraso nꞌa rä jäꞌi ꞌne di xeni te ja mbo ha rä mfeni. Di xeni pa gä handi hanja xä porta kada nꞌaa ꞌne gä umbäbi näꞌä di merese, segun näꞌä xä me̱fi.