1 Samuel

6 Mi zo̱ho̱ꞌu, Samuel bi hyandi Eliab ꞌne bi ꞌñenä: «Zäi ge Jeoba gehni xä huahni». 7 Pe Jeoba bi ꞌñembäbi Samuel: «Ogi handi te ngu rä ꞌmai nixi te ngu rä ñhetsꞌi, ngeꞌä nuga hixtä numäñhogani. Ja ngu handi yä mexiꞌmhai hingä njabu̱ handi Äjuä. Ngeꞌä yä mexiꞌmhai handi ho̱nse̱ näꞌä ja ante yä da, pe Jeoba handi näꞌä ja mbo ha rä koraso». 10 ꞌNe njabu̱ bi zohni yoto yä tꞌu̱ pa njabu̱ Samuel bi hyandi kada nꞌa de geꞌu̱. Pe Samuel bi ꞌñembäbi Jesé: «Jeoba hinxä huahni ninꞌa de gehyu̱». 11 ꞌNepu̱ Samuel bi yꞌambäbi Jesé: «¿Gehyu̱ gatꞌho ri tꞌu̱?». Jesé bi dädi: «Tobe di ꞌme̱di näꞌä mbätsi de gatꞌho ngeꞌä näꞌä bi fadi yä de̱ti». Samuel bi ꞌñembäbi Jesé: «Mända dä tsꞌii, ngeꞌä hingä ma gä hudihu̱ gä ñunihu̱, sino asta dä ꞌñepu̱». 12 Hänge Jesé bi mända bä thoni pa bä tsꞌimpäbi. Nunä bäsjäꞌi mi mähotho; mrä uero, mähotho yä da ꞌne gatꞌho rä ꞌmai. Nubye̱ Jeoba bi ꞌñenä: «¡Gehni nuni tsꞌu̱ntꞌu̱ xtä huahni. ¡ꞌMai ꞌne xiꞌtsuäbi rä aseite ha rä ñäxu!».