RÄ LECCIÓN 7

ꞌÑudi näꞌä mäjuäni

Lucas 1:3

NÄꞌÄ MÄHYONI GI PE̱FI: Änte de gi usa nꞌa rä imformasion, asegura ge hää mäjuäni. Njabu̱ nuꞌu̱ toꞌo o̱xꞌäꞌi hindä ntiende mä nꞌa rä tꞌo̱tꞌe o gi japi dä komfundi.

HANJA DÄ ZA GI PE̱FI

Hyoni ꞌne usa ho̱nse̱ näꞌä rä imformasion mäjuäni. Ora gi udi, yꞌo̱tꞌe ntsꞌe̱di po nzäntho gi usa rä Mäkä Tꞌofo. ꞌNehe, mu̱ ma gi no̱ni nꞌa rä notisia, nꞌa ra esperiensia o näꞌä bi mää o bi yꞌofo nꞌa rä científico o mä nꞌa rä imformasion, asegura mu̱ mäjuäni ꞌne hinxä mpadi.
Usa xä ñho rä imformasion. Jamäsu ge näꞌä rä esplikasio ma gi uni dä nthe̱ ko näꞌä mensaje hutsꞌi ha rä Mäkä Tꞌofo ꞌne ko nuꞌu̱ yä publicación xä rꞌakägihu̱ rä hogä ꞌme̱go Äjuä (Mat. 24:45). Pe mu̱ ma gi usa mä nꞌa rä imformasion, oxki ma gi patuäbi rä signifikado nixi gi hñuꞌspäbi märꞌa yä noya.

Ora ma gi no̱ni nꞌa rä imformasion, ote gi paati. Por ejemplo, mu̱ enä «rꞌa yä jäꞌi» oxki ma gi ꞌñenä «ndunthi yä jäꞌi». O mu̱ enä «nzäntho» hindi debe gi ꞌñenä «rꞌabu̱», ꞌnehe mu̱ enä «zäi bi thogi» hinxä ñho gi ꞌñenä «hää bi thogi».
Fatsꞌi nuꞌu̱ toꞌo o̱xꞌäꞌi dä ntiende ndaꞌä rä punto. Mꞌe̱fa de gi hñeti nꞌa rä testo o gi no̱ni nꞌa rä imformasion, dä za gi yꞌo̱tꞌe rꞌa yä ntꞌani o gi hñuxä nꞌa rä ejemplo pa gi fatsꞌi dä ntiende ndaꞌä rä punto.