¿Gi pädi?

¿Mi tenguꞌä näꞌä rä karro habu̱ mi pa näꞌä rä ñꞌo̱ho̱ mrä mengu Etiopía nuꞌmu̱ Felipe bi joni pa bi ñäui?

HA RÄ Traducción del Nuevo Mundo usa rä noya «karro» de rä idioma griego pa dä referi cualquiera de nuꞌu̱ yä karro mi ja mäyaꞌmu̱ (Hech. 8:​28, 29, 38, TNM). Po̱de näꞌä rä karro habu̱ mi pa näꞌä rä ñꞌo̱ho̱ mrä mengu Etiopía, hingä mi nꞌa rä karro näꞌä mri usa ha yä gerra nixi hingä mi nꞌa rä karro de gä ntsa tähä, sino mi nꞌa rä karro mänꞌa mrä däta. Ma gä handihu̱ te mä raso ja pa dä za gä kamfrihu̱ njabu̱.

Näꞌä ñꞌo̱ho̱ xki ꞌñehe de yabu̱ ꞌne mi pe̱ꞌtsi nꞌa rä däta nsu. Näꞌä ñꞌo̱ho̱ «mi mpe̱fi pa rä reina Candase de rä hnini Etiopía. Nunä ñꞌo̱ho̱ mi nkargo dä su gatꞌho näꞌä rä tesoro mi pe̱ꞌtsi rä reina» (Hech. 8:​27, TNM). Ha näꞌä tiempoꞌä, Etiopía mi barka habu̱ fädibye̱ ngu rä dähni Sudán ꞌne nꞌa xe̱ni de rä dähni Egipto ha rä lado sur. Pa bi ma ha Jerusalén ꞌne bi mengi pa Etiopía, zäi ge näꞌä ñꞌo̱ho̱ bi gu̱ rꞌa nꞌañꞌo yä bo̱jä ꞌne mi hñä gatꞌho nuꞌu̱ yä kosa ma xä japäbi mꞌe̱di mä ꞌñuu. Ha yä pa nuꞌu̱ yä mu̱di kristianu, mi ja rꞌa nꞌañꞌo yä tsanza o yä karro pa mi biaja yä jäꞌi. Nꞌa de nuya yä tsanza fädi ngu yä carreta o carruaje, ꞌne mi pe̱ꞌtsi goho yä llanta ꞌne xki thuꞌtsuäbi nꞌa rä techo. Nꞌa rä mfistꞌofo enä: «Ko nuya yä karro mi tsa dä thätsꞌi märꞌa yä kosa, mi tsa dä ma mänꞌa yabu̱ ꞌne mänꞌa himi tsabi toꞌo mi biajani» (Acts—An Exegetical Commentary).

Näꞌä ñꞌo̱ho̱ xki ꞌñehe de Etiopía mi heti rä Noya Äjuä nuꞌmu̱ Felipe bi joni. Rä Mäkä Tꞌofo enä: «Felipe bi nextꞌihi pa bi joni ha rä hyo näꞌä carreta ꞌne bi yꞌo̱de hanja näꞌä eunuco mi heti näꞌä xki yꞌofo rä profeta Isaías» (Hech. 8:​30, TNM). Nuꞌu̱ yä carreta xki thoki pa dä zitsꞌi yä jäꞌi, mi yꞌo rꞌamätsꞌu̱ hingä xa mi tihi. Hänge dä za gä ntiendehu̱ por hanja näꞌä jäꞌi mä ꞌñuu mi heti rä Noya Äjuä ꞌne Felipe bi za bi zu̱di.

Näꞌä ñꞌo̱ho̱ bi bäntebi Felipe ge dä bo̱tsꞌe ꞌne dä hñudi kongeꞌä (Hech. 8:​31, TNM). Nuꞌu̱ yä karro mi tsitsꞌi yä jäꞌi, mi tsa dä hñudi tanto näꞌä toꞌo mi yꞌe̱tꞌi ngu nuꞌu̱ yä pasajero. Mientra ha nuꞌu̱ yä karro de gä nhextꞌihi pe̱ꞌtsi te mi mꞌai näꞌä toꞌo mi yꞌe̱tꞌi.

Ko näꞌä udi rä Mäkä Tꞌofo ꞌne näꞌä xä dini yä bämhñä jäꞌi, nubye̱ ora rä hnini rä Zi Dada Jeoba pede te bi thogi näꞌä ñꞌo̱ho̱ mrä mengu Etiopía; ya hingi dibuja nꞌa rä karro de gä gerra nixi nꞌa rä karro de gä nhextꞌihi. Sino ke nubye̱ di dibuja nꞌa rä karro mänꞌa rä däta.