Petuäbi märꞌaa näꞌä xkä pädi

Rꞌakägihu̱ ndunthi rä johya ora di nxadihu̱ rä Mäkä Tꞌofo. Pe mänꞌa xa di johyahu̱ ora di petuäbihu̱ märꞌaa näꞌä xtä pädihu̱ de rä Zi Dada Jeoba ꞌne de nuꞌu̱ yä hogä mꞌu̱i pe̱ꞌtsi. Proverbios 11:25 enä: «Toꞌo huꞌmpäbi rä mu̱i märꞌaa ma drä thuꞌmpäbi rä mu̱i ꞌnehe».

Jaua hñuu yä raso pa gä petuäbihu̱ märꞌaa näꞌä xtä pädihu̱ ha rä Mäkä Tꞌofo: 1) Faxkägihu̱ pa gä ntiendehu̱ mänꞌa xä ñho rä Noya Äjuä. 2) Faxkägihu̱ pa hingä pumfrihu̱ näꞌä dä nxadihu̱. ꞌNe 3) rꞌakägihu̱ ndunthi rä johya gä handihu̱ ge näꞌä dä petuäbihu̱ nꞌa rä ku o nꞌa rä nju bi nupäbi rä mfeni ꞌne bi matsꞌi pa mänꞌa bi ze̱di rä ntsitsꞌi ko rä Zi Dada Jeoba (Hech. 20:35).

Gehnä dä za gi pe̱fi: Durante nuꞌu̱ yä pa di sigi petuäbi nꞌa rä jäꞌi näꞌä gä pädi ha rä Mäkä Tꞌofo. Dä za gi petuäbi nꞌa de ri familia, nꞌa rä ku de rä mhuntsꞌi, nꞌa ri kompa de rä ꞌme̱fi o de ri skuela, nꞌa ri nꞌaꞌngu o nuꞌu̱ toꞌo gi nthe̱ui ha rä tꞌungä ntꞌo̱de. Mentä gi ñäui nꞌa rä zi jäꞌi, usa nuꞌu̱ ri noyase̱ ꞌne esplikabi ko yä noya nuꞌu̱ hingi hei toꞌo dä ntiende.

Beni: Nuꞌmu̱ di petuäbihu̱ märꞌaa näꞌä xtä pädihu̱ ha rä Mäkä Tꞌofo hindi jahu̱ pa gä exä mä nsuhu̱ ge mänꞌa di pädihu̱, sino pa gä nupäbihu̱ yä mfeni nuꞌu̱ märꞌaa (1 Cor. 8:1).