Nꞌa rä tsꞌofo de mäyaꞌmu̱

Jeoba hindä hyopi yä tsꞌomꞌu̱i jäꞌi dä tsꞌoni rä Xiꞌmhai de gä uädri. Se̱he̱ ma dä mꞌu̱ini nuꞌu̱ yä ntsitsꞌi. ¿Te ma dä thogi ko nuꞌu̱ yä tsꞌomꞌu̱i jäꞌi? Pa gä pädihu̱, ma gä handihu̱ näꞌä bi thogi ha yä pa rä Noe. Rä Noe bi mꞌu̱i o̱tꞌe rꞌa yä mꞌo yä je̱ya. Näꞌä mrä hogä jäꞌi, nzäntho mi o̱tꞌe ntsꞌe̱di pa dä me̱fi rä paha rä Zi Dada Jeoba. Pe gatꞌho nuꞌu̱ märꞌa yä jäꞌi mi ꞌmu̱kua ha rä Xiꞌmhai mi pe̱fi näꞌä xä ntsꞌo. Hänge rängeꞌä, Jeoba bi ꞌñembäbi rä Noe ge ma dä hä nꞌa rä dängä däyꞌe pa dä huati gatꞌho nuꞌu̱ yä tsꞌomꞌu̱i jäꞌi. ꞌNehe bi xipi dä hyoki nꞌa rä arka pa hindä du rä Noe ꞌne rä mꞌu̱i nuꞌmu̱ sti zo̱ho̱ rä Dängä däyꞌe (Hebreos 11:7).

Rä Noe ko rä mꞌu̱i bi hyoki rä arka. Rä Noe bi xipi märꞌa yä jäꞌi ge ma dä ꞌñepu̱ nꞌa rä Dängä däyꞌe, pe hinto bi ne bi yꞌo̱de. Bi sigi bi yꞌo̱tꞌe näꞌä xä ntsꞌo. Mi uadi bi thoki rä arka, rä Noe bi ku̱ꞌti yä mboꞌni, nepu̱ rä Noe ko nuꞌu̱ mi ꞌmu̱i ha rä nguu bi yu̱tꞌi ꞌnehe. Nubye̱ hää, Jeoba bi japi bi dagi nꞌa rä dängä däyꞌe. Bi ꞌuäi yo nꞌate yä pa ꞌne yo nꞌate yä xui, yä dehe bi goꞌmi rä Xiꞌmhai (Mateo 24:37-39).

Bi du yä tsꞌomꞌu̱i jäꞌi, pe rä Noe ꞌne rä mꞌu̱i bi bongi. Rä Zi Dada Jeoba bi xu̱ki rä Xiꞌmhai de rä ntsꞌomꞌu̱i, pe bi su rä Noe ꞌne bi supäbi rä mꞌu̱i pa njabu̱ himbi du nuꞌmu̱ bi zo̱ho̱ näꞌä rä Dängä däyꞌe (1 Pedro 3:20). Rä Mäkä Tꞌofo mää ge mänꞌaki ma dä zo̱ho̱ rä pa habu̱ Jeoba ma dä huati nuꞌu̱ yä jäꞌi hingi ne dä me̱fi näꞌä xä ñho. Nuꞌu̱ yä hogä jäꞌi hindä du. Nuꞌu̱ ma dä mꞌu̱i pa nzäntho ha rä Xiꞌmhai de gä uädri (2 Pedro 2:5, 6, 9).

Mäpaya, ndunthi yä jäꞌi o̱tꞌe rä ntsꞌomꞌu̱i. Ha rä xiꞌmhai xä ñutsꞌi rä ntsꞌomꞌu̱i. Jeoba njatꞌä pe̱hni nuꞌu̱ yä Testigo pa dä xipi yä jäꞌi näꞌä ma dä me̱fi, pe ndunthi yä jäꞌi hingi ne dä yꞌo̱de nuꞌu̱ yä noya rä Zi Dada Jeoba. Hingi ne dä paati yä mꞌu̱i xä ntsꞌo, ha nixi hingi ne toꞌo dä xipi ndaꞌä xä ñho ꞌne ndaꞌä xä ntsꞌo. ¿Te ma dä thogi nuya yä jäꞌi? ¿Ma dä yꞌo̱de nꞌa rä pa? Ndunthi nuya yä jäꞌi hingä ma dä yꞌo̱de. Xä dämä ꞌñepu̱ näꞌä rä pa habu̱ yä tsꞌomꞌu̱i jäꞌi ma drä huati pa nzäntho (Salmo 92:7).

Rä Xiꞌmhai hindä uadi; nunä ma dä thoki xä ñho pa dä uädri. Toꞌo dä ntsitsꞌi ko rä Zi Dada geꞌä ma dä mꞌu̱i pa nzäntho ha rä Xiꞌmhai de gä uädri (Mateo 5:5).