¿Hanja dä za gi yꞌo̱de näꞌä xiꞌi Äjuä?

Äjuä di nzokägihu̱ nuꞌmu̱ di hetihu̱ rä Mäkä Tꞌofo (2 Timoteo 3:16)

Äjuä bi huahni rꞌa yä ñꞌo̱ho̱ pa bi hñuꞌspäbi nuꞌu̱ yä mfeni ha nꞌa rä mfistꞌofo tꞌembi rä Mäkä Tꞌofo. Ha nunä rä mfistꞌofo hutsꞌi gatꞌho nuꞌu̱ yä tꞌo̱tꞌe xa mähyoni gi pädi. Äjuä ne ge nuꞌi gi pädi näꞌä hutsꞌi ha rä Mäkä Tꞌofo.

Äjuä mänꞌa pädi näꞌä xä ñho pa nuju̱. Äjuä pe̱ꞌtsi gatꞌho rä mfädi. Mu̱ nuꞌi gi yꞌo̱de näꞌä xiꞌi Äjuä, nuꞌmu̱ ma dä za gi yꞌo ha näꞌä rä ꞌñuu xä ñho (Efesios 1:17).

Äjuä ne ge yä jäꞌi de gatꞌho rä Xiꞌmhai dä hñeti rä Mäkä Tꞌofo. Mäpaya dä za gä tinihu̱ rä Mäkä Tꞌofo ha ndunthi yä ñhäki.

Mu̱ nuꞌi gi ne gi yꞌo̱de näꞌä xiꞌi Äjuä, mähyoni gi nuu ꞌne gi pädi te hutsꞌi ha rä Mäkä Tꞌofo.

Ha gatꞌho rä xiꞌmhai, yä jäꞌi o̱de näꞌä mängä Äjuä (Mateo 28:19)

Yä testigo rä Jeoba dä za dä maxꞌäꞌi pa gi pädi näꞌä hutsꞌi ha rä Mäkä Tꞌofo.

Ha gatꞌho rä Xiꞌmhai, yä testigo rä Jeoba udi näꞌä xa mäjuäni de Äjuä.

Nuꞌi hinte mä bojä ma gi jutꞌi po näꞌä rä ntꞌudi ma dä tꞌaꞌi. ꞌNehe dä za gi pädi de Äjuä mu̱ gi ntini ha rä Ngu de gä Mhuntsꞌi de yä testigo rä Jeoba ja getbu̱ ha ri nguu.