¿Hämꞌu̱ ma dä zo̱ho̱ dä uädri rä Xiꞌmhai?

Nuꞌu̱ yä xuñha di nheki mäpaya, udi ge ya nguntꞌä ma dä zo̱ho̱ rä Tsꞌu̱tꞌhui Äjuä (Lucas 21:10, 11; 2 Timoteo 3:1-5)

Mäpaya yä jäꞌi hingi o̱te yä dada, tsu̱di yä kꞌatꞌä bojä, yä nduxte o yä bo̱ka, ꞌne di mädi yä tsꞌo tꞌo̱tꞌe. Dende mäyaꞌmu̱, rä Mäkä Tꞌofo bi mää ge ma xä thogi gatꞌho nuya yä tsꞌo tꞌo̱tꞌe di nheki mäpaya.

Rä Mäkä Tꞌofo ꞌnehe bi mää ge ma xä nheki yä mbiꞌmhai, yä däta tuhni, yä däta thuhu, ꞌne yä däta ñheni. Gatꞌho nuya yä tsꞌo tꞌo̱tꞌe ya di handihu̱ mäpaya.

ꞌNehe, rä Hesu bi mää ge nuꞌu̱ yä rꞌayꞌo hogä noya de rä Tsꞌu̱tꞌhui Äjuä, ma xä tꞌungä ntꞌo̱de ha gatꞌho rä Xiꞌmhai (Mateo 24:14).

Rä Tsꞌu̱tꞌhui Äjuä ma dä hñäki gatꞌho yä ntsꞌomꞌu̱i (2 Pedro 3:13)

Jeoba, mänꞌitꞌho ma dä hñäki gatꞌho yä tsꞌomꞌu̱i jäꞌi.

Jeoba ma dä kastiga rä Zithu ꞌne nuꞌu̱ yä u̱xjua.

Nuꞌu̱ yä jäꞌi o̱te Äjuä, ma dä mꞌu̱i ha rä rꞌayꞌo xiꞌmhai habu̱ ma dä nheki nꞌa rä hogä mꞌu̱i, rä mhäte, ꞌne nꞌa rä hogä tsꞌu̱tꞌhui. Gatꞌho yä jäꞌi ma dä ntsitsꞌi xä ñho, ꞌne ya hindä nheki yä mbidi.