Rä Mäkä Tꞌofo, nꞌa rä tesoro xa mähotho

1. Ja nꞌa rä mfistꞌofo xa ja rä muui,

näꞌä xä rꞌakägihu̱ rä humu̱i.

Dä za dä yꞌo̱the nuꞌu̱ yä koraso

di sufri o xä thogi yä dumu̱i.

Ko rä mäkä tsꞌe̱di, Jeoba bi gu̱hni

rꞌa yä jäꞌi pa bi za bi yꞌofo.

Nunä rä mfistꞌofo de rä Zi Dada,

gehnä rä thuhu rä Mäkä Tꞌofo.

2. Rä mfistꞌofo pede ge ha rä mu̱di

Jeoba bi hyoki gatꞌho yä tꞌo̱tꞌe,

pe mꞌe̱fa nꞌa rä e̱nxe̱ ha mähetsꞌi

bi nkontraui rä Dängä Hyokäte.

Rä mu̱di ñꞌo̱ho̱ ꞌne rä mu̱di ꞌme̱hñä

himbi yꞌo̱te Äjuä ꞌne bi duꞌu̱.

Nuꞌu̱ bi zogägihu̱ rä pekado,

pe rä Zi Dada ma dä ñängähu̱.

3. Nuju̱ di pe̱ꞌtsihu̱ ndunthi rä johya

ngeꞌä di mända rä Tsꞌu̱tꞌhui Äjuä.

Di faxtehu̱ pa yä jäꞌi dä bädi

de nuꞌu̱ yä jäpi ya ma dä hä.

Ha rä Mäkä Tꞌofo Jeoba bi hñutsꞌi

nuꞌu̱ yä tsꞌofo ꞌne yä mfeniꞌä.

Ma gä handihu̱ ngu nꞌa rä tesoro

xa mähotho bi ehe de Jeoba.