¿Te bi me̱fi rä Hesu nuꞌmu̱ bi mꞌu̱kua ha rä Xiꞌmhai?

Ndunthi yä jäꞌi pädi ge rä Hesu bi mꞌu̱i ha rä Xiꞌmhai ngu nꞌa rä zi ꞌue̱ne. ꞌNehe yä jäꞌi pädi ge rä Hesu bi ꞌñudi de rä Noya Äjuä, ge bi tho ꞌne ge bi tsꞌu̱ti ha nꞌa rä zaa. Pe, ¿hingi kamfri ge dä hogi toꞌo dä xikägihu̱ mä ndunthi de geꞌä? Nde, ha nunä lección ma gä pädihu̱ te bi me̱fi rä Hesu mi mꞌu̱kua ha rä Xiꞌmhai ꞌne hanja ma dä benefisiaꞌi.

1. Mi mꞌu̱kua rä Hesu ha rä Xiꞌmhai, ¿te mä ꞌme̱fi mänꞌa bi dedikabi rä tiempo?

Mi mꞌu̱kua rä Hesu ha rä Xiꞌmhai, näꞌä mꞌe̱tꞌo bi prokura dä «ungä ntꞌo̱de yä hogä notisia de rä Tsꞌu̱tꞌhui Äjuä» (hñeti Lucas 4:43, TNM). Hää, rä Hesu bi ꞌñuti yä zi jäꞌi de rä Noya Äjuä, ꞌne geꞌä lo primero bi me̱fi. Bi ꞌñuti yä zi jäꞌi ge rä Tsꞌu̱tꞌhui o rä Gobiernu Äjuä, geꞌä ma dä hñäki gatꞌho yä xuñha ꞌne nuꞌu̱ yä sufrimiento ja ha rä Xiꞌmhai.a Durante hñu nje̱ya mädee, rä Hesu bi hñuꞌmpäbi yä mu̱i ꞌne bi nupäbi yä mfeni yä zi jäꞌi ko nuya yä hogä notisia (Mateo 9:35, TNM).

2. ¿Pa te bi ja yä milagro rä Hesu?

Rä Biblia mää ge rä Hesu bi ja ndunthi yä milagro (Hechos 2:22, TNM). Äjuä bi umbäbi rä tsꞌe̱di rä Hesu pa bi japi bi tsaya nꞌa rä bu̱nthi yꞌee, bi ꞌuini yä mꞌotho yä jäꞌi, bi yꞌo̱the nuꞌu̱ mi hñeni, ꞌne asta bi gu̱tsꞌi rꞌa yä jäꞌi de rä du (Mateo 8:23-27; 14:15-21; Marcos 6:56; Lucas 7:11-17). Ko nuꞌu̱ yä milagro bi ja rä Hesu, bi ꞌñudi ge mäjuäni mi geꞌä rä Tꞌu̱ Äjuä. ꞌNehe, kongeꞌä bi ꞌñudi hängu rä tsꞌe̱di pe̱ꞌtsi rä Dada pa dä hñäki gatꞌho yä xuñha ꞌne yä sufrimiento.

3. ¿Te mä mꞌu̱i bi zitsꞌi rä Hesu mi mꞌu̱kua ha rä Xiꞌmhai ꞌne te utkägihu̱?

Rä Hesu nzäntho bi yꞌo̱te rä Zi Dada Jeoba (hñeti Juan 8:29). Mäske xa bi tꞌu̱tsa ꞌne bri maltrata, rä Hesu nzäntho bi me̱fi näꞌä bi yꞌapäbi rä Dada ꞌne bi yꞌo̱te asta xa mi du. Rä Hesu bi ꞌñudi ge nꞌa rä jäꞌi hää dä za dä me̱päbi Äjuä mäske dä thogi yä däta prueba ꞌne yä sufrimiento. Njabu̱, rä Hesu bi zogägihu̱ nꞌa rä hogä ejemplo pa gä de̱nihu̱ (1 Pedro 2:21, TNM).

5. Rä Hesu bi ꞌñudi hanja debe gä ꞌmu̱ihu̱

Aparte de nuꞌu̱ yä hogä notisia bi ꞌñudi de rä Tsꞌu̱tꞌhui Äjuä, rä Hesu ꞌnehe bi ꞌñudi hanja debe gä ꞌmu̱ihu̱. Ma gä handihu̱ rꞌa yä ejemplo. Hñetihu̱ Mateo 6:14, 34, TNM ꞌne 7:12, TNM, ꞌnepu̱ thädihu̱ nuya yä ntꞌani:

• ¿Te mä konseho bi uni rä Hesu ha nuya yä testo?

• ¿Gi kamfri ge nuya yä konseho dä za dä matsꞌi yä jäꞌi mäpaya? ¿Por hanja?

6. Rä Hesu bi ja yä milagro

Rä Zi Dada Jeoba bi umbäbi rä tsꞌe̱di rä Hesu pa bi ja yä milagro. Pa gi hyandihu̱ nꞌa de nuꞌu̱ yä milagro hñetihu̱ Marcos 5:25-34, TNM, o yꞌe̱ntsꞌihu̱ rä BIDEO. ꞌNepu̱ thädihu̱ nuya yä ntꞌani:

RÄ BIDEO: Rä Hesu bi yꞌo̱the nꞌa rä zi ꞌme̱hñä mi hñeni (5:10)

• Ja ngu dä handihu̱ ha rä bideo, ¿te mi pädi xä ñho näꞌä rä zi ꞌme̱hñä mi hñeni?

• ¿Te di sorprendeꞌi de nunä milagro bi ja rä Hesu?

Hñetihu̱ Juan 5:36, TNM, ꞌnepu̱ thädihu̱ nunä rä ntꞌani:

• Ja ngu dä handihu̱ ha nunä testo, ¿te “bi ꞌñudi” de rä Hesu nuꞌu̱ yä milagro bi ja?

NÄꞌÄ DÄ PÄDIHU̱

Rä Hesu bi ꞌñuti yä jäꞌi de rä Gobiernu o rä Tsꞌu̱tꞌhui Äjuä. ꞌNehe bi ja yä milagro, ꞌne nzäntho bi yꞌo̱te rä Zi Dada Jeoba.

Pa gä benihu̱

• Mi mꞌu̱kua rä Hesu ha rä Xiꞌmhai, ¿te mä ꞌme̱fi mänꞌa bi dedikabi rä tiempo?

• ¿Te bi ꞌñudi rä Hesu ko nuꞌu̱ yä milagro bi ja?

• ¿Te mä hogä konseho bi uni rä Hesu?

HABU̱ DÄ ZA GI PÄDI MÄ NꞌA TU̱I

¿Te xa mi ho dä ꞌñudi rä Hesu mi mꞌu̱kua ha rä Xiꞌmhai?

«¿Por hanja rä Hesu xa di mportabi rä Tsꞌu̱tꞌhui Äjuä?» (La Atalaya, 1 de octubre de 2014)

Pädi por hanja dä za gä kamfrihu̱ ge rä Hesu hää bi ja yä milagro.

«¿Te dä za gä pädihu̱ de nuꞌu̱ yä milagro bi ja rä Hesu?» (La Atalaya, 15 de julio de 2004)

Hyandi hanja nꞌa rä zi ñꞌo̱ho̱ bi paati rä mꞌu̱i mi hyandi ha rä Biblia näꞌä rä hogä ejemplo bi zoogi rä Hesu.

«Ndi tumämu̱i ho̱nse̱ po geki ꞌne himi mportagi märꞌaa» (La Atalaya, 1 de octubre de 2014)

Hyandi rꞌa de nuꞌu̱ yä tꞌo̱tꞌe bi me̱fi ꞌne bi thogi rä Hesu mi mꞌu̱kua ha rä Xiꞌmhai.

«Näꞌä bi me̱fi ꞌne bi thogi rä Hesu mi mꞌu̱kua ha rä Xiꞌmhai» (La Biblia. Traducción del Nuevo Mundo, apéndice A7)