Nꞌa rä rꞌayꞌo mfatsꞌi pa gä nxadihu̱ rä Mäkä Tꞌofo

Yä miyontho yä ku de gatꞌho rä Xiꞌmhai, xä matsꞌi ndunthi näꞌä rä mfistꞌofo Índice de las publicaciones Watch Tower pa di nxadi rä Mäkä Tꞌofo. Pe xi rä däta nunä mfistꞌofo, hänge xä tꞌofo ho̱nse̱ ha nꞌa hängutho yä idioma. Pe näꞌä he̱ꞌmi rä thuhu Guía de estudio para los testigos de Jehová, xä thoki ha 170 yä idioma ꞌne hingi hei toꞌo dä usa. Kasi gatꞌho nuꞌu̱ yä he̱ꞌmi no̱ni ha nunä Guía de estudio, xä bo̱ni dende näꞌä rä je̱ya 2000 pa ri ꞌñekua. Nuꞌu̱ yä idioma ya pe̱ꞌtsi rä Índice de las publicaciones Watch Tower, ya hinxä imprimibi rä he̱ꞌmi Guía de estudio, pe̱ hää xä tꞌe̱ntꞌi ha rä CD-ROM Watchtower Library. ꞌNehe xä ꞌmo̱ꞌtse ha Internet ha rä BIBLIOTECA EN LINEA Watchtower. Rä he̱ꞌmi Guía de estudio ma dä maxꞌäꞌi pa gi pädi habu̱ dä za gi tini yä mpengi nuꞌu̱ yä ntꞌani de rä Mäkä Tꞌofo. Ma dä maxꞌäꞌi gi tini rä imformasion pa yä mhuntsꞌi, pa ri Mhuntsꞌi de gä Familia, o de mä nꞌa rä tema näꞌä gi ne gi pädi.