Rꞌa yä presentasion
La Atalaya 1 de junio
«Di utihe yä zi jäꞌi hängu rä muui pe̱ꞌtsi rä Mäkä Tꞌofo. Ndunthi yä jäꞌi kamfri ge yä sientifiko xä dini ge rꞌabu̱ rä Mäkä Tꞌofo hingi mängä mäjuäni. ¿Xi nuꞌi te gi mbeni? ¿Dä za gä kamfrihu̱ näꞌä udi rä Mäkä Tꞌofo? [Hyopi dä dädi näꞌä jäꞌi.] Hyandi nunä bi tꞌofo ha rä Mäkä Tꞌofo dende mäyaꞌmu̱, ꞌne mꞌe̱fa yä sientifiko bi dini ge xa mäjuäni. [Hñeti Job 26:7.] Nunä rebista udi hanja rä Mäkä Tꞌofo di nthe̱ ko näꞌä xä dini yä sientifiko.»
Mä he̱ꞌmi hutsꞌi yä ꞌmede de rä Mäkä Tꞌofo
«Mäpaya, ha rä telebision, ha rä Internet, ꞌne asta ha yä skuela, di nheki yä tꞌo̱tꞌe nuꞌu̱ hingi tꞌaxi. ¿Hanja gi kamfri ge dä za gä utihu̱ yä zi bätsi rä tꞌekꞌei ꞌne nꞌa rä mꞌu̱i xä ntꞌaxi? [Hyopi dä dädi näꞌä rä jäꞌi.] Di nupäbihe yä mfeni yä dada pa dä hñeti rä Mäkä Tꞌofo ko yä familia, ¿gi pädi por hanja? [Hñeti Salmo 1:2, 3.] Ndunthi yä zi jäꞌi kamfri ge rä Mäkä Tꞌofo hingä pa yä zi bätsi ngeꞌä xa xä ñhei toꞌo dä ntiende. Pe hingä mäjuäni. Di ne gä utꞌäꞌi nunä zi mfistꞌofo xä thoki pa njabu̱ dä za dä hñeti yä dada ko yä zi bätsi, ꞌne njabu̱ mähye̱gi dä bädi nuꞌu̱ yä ꞌmede hutsꞌi ha rä Mäkä Tꞌofo. Hyandihmä, xa hingi hei toꞌo dä ntiende.»