«Yꞌe̱mbäbi Jeoba gatꞌho näꞌä gi ndu»

Dabid bi thogi xi ndunthi yä sufrimiento. Pa näꞌä tiempo bi yꞌofo rä Salmo 55, Dabid xki thogi nuya yä däta xuñha:

• 

  Xki sipäbi yä tsꞌone

• 

  Yä nkontra xki hyoni pa dä hyo

• 

  Rä konsiensia xki zu̱i po nuꞌu̱ yä tsꞌoki xki yꞌo̱tꞌe

• 

  Xki du nꞌa rä tꞌu̱

• 

  Xki ñheni

• 

  Rä tꞌu̱ ꞌne rä consejero xki traisionäbi

Mäske Dabid bi za ge xa mi xä ñhu̱ nuꞌu̱ yä xuñha, bi dini hanja bi ze̱ti. Mu̱ nuꞌi xkä senti njabu̱, jamäsu nunä tsꞌofo bi uni: «Yꞌe̱mbäbi Jeoba gatꞌho näꞌä gi ndu».

¿Hanja dä za dä maxꞌäꞌi mäpaya nunä tsꞌofo?

55:22

1. Xatuäbi Jeoba ko ngatꞌho ri koraso ꞌne xipäbi nuꞌu̱ yä xuñha o yä dumu̱i gi pe̱ꞌtsi.

2. Hyombäbi rä mfatsꞌi Jeoba po mäde de rä Mäkä Tꞌofo ꞌne de rä hnini.

3. Ogi pontꞌätho ri yꞌe̱ ꞌne pe̱fi gatꞌho näꞌä dä za pa gi ñhandui näꞌä xuñha, pe ogi ꞌuege de nuꞌu̱ yä tsꞌofo uni Jeoba.