Ma gä de̱nihu̱ yä paso rä Kristo

Rä Hesu bi zogägihu̱ nꞌa rä hogä ejemplo pa gä de̱nihu̱, mänꞌa nuꞌmu̱ di thogihu̱ yä xuñha ꞌne yä ntꞌu̱tsate (1Pe 2:21-23). Mäske rä Hesu bi tꞌo̱tꞌpäbi yä burla ꞌne xa bi sufri, näꞌä nunka bi koꞌspäbi rä ntsꞌomꞌu̱i nuꞌu̱ yä nkontra (Mr 15:29-32). ¿Te bi matsꞌi rä Hesu pa bi ze̱ti? Rä Hesu nzäntho bi hyoni dä me̱päbi rä bolunta Jeoba (Jn 6:38). ꞌNehe, rä Hesu himbi hñäki de ha rä mfeni «näꞌä rä johya xki thutsꞌi ndelante de geꞌä» (Heb 12:2).

Xi nuju̱, ¿hanja di thädihu̱ ora toꞌo di u̱tsagihu̱ po mä jamfrihu̱? Nuꞌu̱ xa mäjuäni yä kristianu jamäsu nunä tsꞌofo: «Oxki o̱tpähu̱ rä ntsꞌomꞌu̱i nuꞌä toꞌo dä yꞌo̱tꞌähu̱ rä ntsꞌomꞌu̱i» (Ro 12:14, 17). Ora di de̱mbäbihu̱ rä ejemplo rä Hesu de hanja bi ze̱ti nuꞌu̱ yä ntsꞌomꞌu̱i ꞌne yä sufrimiento, dä za gä johyahu̱ ngeꞌä di pädihu̱ ge rä Zi Dada Jeoba di numäñhogihu̱ (Mt 5:10-12; 1Pe 4:12-14).

HYANDIHU̱ RÄ BIDEO RÄ BOLUNTA JEOBA GEꞌÄ MÄNꞌA XA MÄHYONI. MꞌE̱FA THÄDIHU̱ NUYA YÄ NTꞌANI:

• ¿Hanja bi usa xä ñho rä tiempo rä zi nju Gertrud Poetzinger mäske mi o fadi?

• ¿Te mä sufrimiento bi thogi rä zi nju Gertrud Poetzinger ꞌne rä däme nuꞌmu̱ mi o fadi ha nuꞌu̱ yä campo de concentración?

• ¿Te bi matsꞌiꞌu̱ pa bi ze̱ti?