Benihu̱ näꞌä bi thogi rä ꞌme̱hñä Lot

¿Por hanja rä ꞌme̱hñä Lot bi ꞌñegi nuꞌmu̱ bi bo̱ni de Sodoma? Rä Mäkä Tꞌofo hingi mää (Gé 19:17, 26). Pe ko näꞌä bi mää rä Hesu, zäi ge näꞌä ꞌme̱hñäꞌä himi ne dä zopu̱ nuꞌu̱ yä tꞌo̱tꞌe mi pe̱ꞌtsi (Lu 17:31, 32). Jeoba ya himbi numäñho rä ꞌme̱hñä Lot. ¿Te mähyoni gä pe̱fihu̱ pa hingä thogihu̱ njabu̱? Hindi debe gä huxu̱ mꞌe̱tꞌo ha mä mꞌu̱ihu̱ nuꞌu̱ yä tꞌo̱tꞌe di ofrese nunä xiꞌmhai (Mt 6:33). Rä Hesu bi ꞌñudi ge hindä za gä «mꞌe̱gohu̱ pa Äjuä ꞌne pa yä Ñho» (Mt 6:24). Pe, ¿xiꞌmu̱ di dahu̱ ngue̱nda ge jabu̱ rꞌa yä tꞌo̱tꞌe nuꞌu̱ hägägihu̱ de näꞌä rä tiempo di umbäbihu̱ Jeoba? ¡Mähyoni gä apäbihu̱ rä Zi Dada Jeoba dä rꞌakägihu̱ rä balo ꞌne rä tsꞌe̱di pa gä jahu̱ yä mpadi ha mä mꞌu̱ihu̱!

DE NUꞌU̱ HÑUU YÄ PARTE DE RÄ BIDEO BENIHU̱ NÄꞌÄ BI THOGI RÄ ꞌME̱HÑÄ LOT, THÄDI NUYA YÄ NTꞌANI:

• 

  Märꞌaa bi presionäbi Gloria pa dä dähä mätsꞌu̱ rä bojä. ¿Hanja bi afektabi Gloria ha näꞌä mi mbeni, näꞌä mi mää ꞌne näꞌä mi pe̱fi?

• ¿Te utkägihu̱ mäpaya näꞌä bi thogi rä ꞌme̱hñä Lot?

• ¿Hanja bi matsꞌi Joe ꞌne rä familia nuꞌu̱ yä tsꞌofo uni rä Mäkä Tꞌofo?

• ¿Hanja bi afektabi Ana nuꞌu̱ yä ntsitsꞌi mi pe̱ꞌtsi ha rä ꞌme̱fi?

• ¿Por hanja di jakhu̱ mꞌe̱di ndunthi rä balo ora toꞌo di presionägihu̱ pa gä hoñhu̱ mꞌe̱tꞌo yä bojä?

• ¿Te bi me̱fi Brian ꞌne Gloria pa mänꞌaki bi hñuxä mꞌe̱tꞌo Jeoba ha yä mꞌu̱i?

• ¿Te mä tsꞌofo de rä Mäkä Tꞌofo bi jaꞌi gä beni nunä bideo?