Hanja dä za gä uñhu̱ ntꞌo̱de mänꞌa xä ñho: Pädi gi usa jw.org

POR HANJA XA MÄHYONI. Gatꞌho nuꞌu̱ publicación ehe ha «Yä erramienta pa gä udihu̱», tsixkägihu̱ ha jw.org. Por ejemplo, rä tarjeta de contacto ꞌne rä tratado ¿Habu̱ dä za gä tiñhu̱ yä mpengi nuꞌu̱ yä däta ntꞌani xä dupäbi yä mu̱i yä jäꞌi?, mbitabi yä jäꞌi dä yu̱tꞌi ha jw.org. Dende ha nunä página dä za gä descargahu̱ nuꞌu̱ yä publicación ehe ha «Yä erramienta pa gä udihu̱» ꞌne gä pe̱mpäbihu̱ yä jäꞌi. O ꞌnehe dä za gä pe̱mpäbihu̱ nꞌa rä vínculo pa go dä hyandäse̱ꞌu̱ dende ha jw.org. Nunä luga de Internet mänꞌa faxte ora di tinihu̱ yä jäꞌi nuꞌu̱ ñä mä nꞌa rä idioma, o nuꞌmu̱ toꞌo o̱tkägihu̱ nꞌa rä ntꞌani ꞌne rä mpengi näꞌä ntꞌaniꞌä hingi ehe ha nuꞌu̱ yä publicación di usahu̱ pa di udihu̱. Ora thogi njabu̱, mu̱ di pädi gä usahu̱ xä ñho jw.org ma dä za gä fatsꞌihu̱ mänꞌa xä ñho yä jäꞌi.

TE DÄ ZA GÄ PE̱FIHU̱.

• 

  Usa rä sección «YÄ NTꞌUDI DE RÄ MÄKÄ TꞌOFO». Por ejemplo, ora nꞌa rä nänä o nꞌa rä dada tupäbi rä mu̱i hanja dä tede yä bätsi, ku̱tꞌi ha rä sección YÄ NTꞌUDI DE RÄ MÄKÄ TꞌOFO > RÄ MEDINTHÄTI ꞌNE RÄ FAMILIA.

• Usa rä sección «YÄ HE̱ꞌMI». Por ejemplo, mu̱ gi ñäui nꞌa ri mi yꞌoskuelaui ꞌne gi ne gi ꞌñuti rä foyeto Yä mpengi 10 yä ntꞌani näꞌä di ñꞌani yä bäsjäꞌi, ku̱tꞌi ha rä sección YÄ HE̱ꞌMI > YÄ MFISTꞌOFO ꞌNE YÄ FOYETO.

• Usa rä sección «PÄDI TOꞌOGIHE». Por ejemplo, mu̱ gi ñäui nꞌa rä jäꞌi näꞌä gi mpe̱hui ꞌne gi ne gi esplikabi te gi kamfri, ku̱tꞌi ha rä sección PÄDI TOꞌOGIHE > NÄꞌÄ DI ÑꞌANI YÄ JÄꞌI.

MꞌE̱FA DE GI HYANDI RÄ BIDEO PÄDI HANJA GI USA JW.ORG, MBENI TE MÄ SECCIÓN DE NUNÄ PÁGINA MA GI USA PA GI ꞌÑUDI DE RÄ NOYA ÄJUÄ.

• Pa gi ñäui nꞌa rä jäꞌi näꞌä hingi kamfri Äjuä.

• Pa gi nupäbi rä mfeni nꞌa rä jäꞌi näꞌä xä me̱ꞌtsi nꞌa rä tsꞌo thogi.

• Pa gi fatsꞌi nꞌa rä ku näꞌä xä hye̱gi de dä me̱päbi Äjuä.

• Pa gi esplikabi hanja di njutꞌi näꞌä rä mäkä ꞌme̱fi di o̱tꞌehu̱ po gatꞌho rä xiꞌmhai.

• Pa gi ꞌñuti nꞌa rä jäꞌi näꞌä bi ehe de mä nꞌa rä dähni hanja dä dini nꞌa rä Ngu de gä Mhuntsꞌi pa ja dä ntinini xti mengi ha rä luga.