«Pablo bi umbä njamädi Äjuä ꞌne bi hñurämu̱i»

Nuꞌmu̱ yä ku de rä mhuntsꞌi Roma bi yꞌo̱de ge rä apostol Pablo ma xä zo̱ni Roma, rꞌa de geꞌu̱ bi biaja 64 yä kilometro pa dä nthe̱ui. ¿Te bi senti Pablo ora bi hyandi yä ku? Mi hyandi, «bi umbä njamädi Äjuä ꞌne bi hñurämu̱i» (Hch 28:15). Pablo nzäntho xki nupäbi yä mfeni yä ku, pe nubye̱, go mi japäbi mꞌe̱di toꞌo xä nupäbi rä mfeni ngeꞌä näꞌä mi o fadi (2Co 13:10).

Mäpaya ꞌnehe, yä superintendente de gä circuito tso̱ni yä mhuntsꞌi pa dä nupäbi yä mfeni yä ku. Pe rꞌabu̱ nuꞌu̱ ꞌnehe xä zabi, tuyämu̱i o xä desanimä. ¿Te dä za gä pe̱fihu̱ pa gä nupäbihu̱ yä mfeni yä superintendente de gä circuito ꞌne yä zi ꞌme̱hñä, ꞌne njabu̱ durante näꞌä semänä de rä visita «gä nupä mfenihu̱ nꞌa ngu mänꞌaa»? (Ro 1:11, 12).

• 

  Gä apoyahu̱ rä predicación. Rä superintendente de gä circuito xa di animäbi ora handi gatꞌho nuꞌu̱ yä sacrificio o̱tꞌe yä ku po dä apoya näꞌä semänä de rä visita (1Te 1:2, 3; 2:20). Yꞌo̱tꞌe ntsꞌe̱di po gi mprekursor ausiliar durante näꞌä zänä di toka rä visita. Rä superintendente ꞌne rä zi ꞌme̱hñä xa di ho dä predika ko ngatꞌho yä publikador. ¿Dä za gi predika kongeꞌu̱ o dä za gi mbitabiꞌu̱ pa dä kompañäꞌi gi jahu̱ nꞌa rä estudio?

• 

  Gä udihu̱ rä ñhojäꞌi. ¿Dä za gä mbitabihu̱ rä superintendente dä ñꞌoxi ha mä nguhu̱ o gä mbitabihu̱ nꞌa rä ñhuni? Gehya rꞌa yä forma de gä utihu̱ hängu di mädihu̱ꞌu̱. Nuꞌu̱ hingi to̱ꞌmi gi hyokuäbi ndunthi yä ñhuni (Lu 10:38-42).

• 

  Gä jamäsuhu̱ nuꞌu̱ yä tsꞌofo dä rꞌakägihu̱. Rä superintendente ma dä maxkägihu̱ ko rä mhäte pa gä pe̱päbihu̱ Jeoba mänꞌa xä ñho. Rꞌabu̱ ma dä ja mꞌe̱di dä rꞌakägihu̱ yä tsꞌofo (1Co 5:1-5). Mu̱ gä jamäsuhu̱ ꞌne gä pe̱fihu̱ näꞌä dä xikägihu̱, nuꞌu̱ ma dä sigi dä me̱päbi Äjuä ko rä johya (Heb 13:17).

• 

  Gä umbäbihu̱ njamädi. Xipäbi rä superintendente ꞌne rä zi ꞌme̱hñä hängu xä benefisiaꞌi näꞌä pe̱fiꞌu̱ po geꞌi. Dä za gi xipäbise̱ꞌu̱ o dä za gi yꞌopäbi nꞌa rä karta o nꞌa rä nota (Col 3:15).