Hanja gä usahu̱ yä tratado pa gä fu̱dihu̱ gä ñäuihu̱ yä jäꞌi

Dende rä enero de rä 2018, rä Programä pa yä mhuntsꞌi xä uni rꞌa yä idea de hanja gä fu̱dihu̱ gä ñäuihu̱ yä jäꞌi. ꞌNehe rä hnini Äjuä xä animägihu̱ gä ñäuihu̱ yä jäꞌi en lugar de gä unihu̱ ho̱nse̱ yä he̱ꞌmi. Pa geꞌä, xä thoki rꞌa yä bideo nuꞌu̱ udi hanja dä za gä fu̱dihu̱ gä ñäuihu̱ yä jäꞌi ko ho̱nse̱ rä Biblia. ¿Di signifika ge ya hingä ma gä usahu̱ yä publicación ora di predikahu̱? Hinä, hingi njabu̱. Nuju̱ ꞌnehe dä za gä usahu̱ yä tratado pa gä fu̱dihu̱ gä ñäuihu̱ yä jäꞌi. Pa geꞌä, mähyoni gä jamäsuhu̱ nuya yä tsꞌofo pa gä presentahu̱ xä ñho yä tratado.

1. Yꞌo̱tꞌe näꞌä rä ntꞌani ehe de gä titulo ha rä tratado ꞌne hyopäbi ge yä jäꞌi dä huahni nꞌa de nuꞌu̱ hñuu yä mpengi huxpu̱.

2. Thogi ha rä nxii yoho ꞌne hñetihu̱ näꞌä rä testo ehe habu̱ enä: «Rä Mäkä Tꞌofo mää», pa dä hyandi te udi rä Biblia. Mu̱ näꞌä jäꞌi ja rä tiempo, ꞌñuti mä nꞌa tu̱i näꞌä hutsꞌi ha rä tratado.

3. Mꞌe̱fa, umbäbi näꞌä jäꞌi näꞌä tratado ꞌne nupäbi rä mfeni pa dä hñeti xo̱ge xti nja rä tiempo.

4. Änte de gi ma, ꞌñuti näꞌä rä ntꞌani ehe habu̱ enä: «Pa gi ntso̱ꞌmi» ꞌne kohi gi pengi mä nꞌa rä mꞌiki pa gi thädi ko rä Biblia näꞌä rä ntꞌaniꞌä.

Nu xki pengi, thädi näꞌä rä ntꞌani gä tsoogi. Änte de gi ma, tsoogi mä nꞌa rä ntꞌani pa gi thädi xki pengi mä nꞌa rä pa. Pa geꞌä, dä za gi ku̱tꞌi ha jw.org/ote ꞌne dä za gi ꞌñuti nꞌa de nuꞌu̱ yä ntꞌani huxpu̱. ꞌNehe dä za gi usa rä foyeto Yä hogä noya pa gi ꞌñuti nꞌa de nuꞌu̱ yä ntꞌani huxpu̱ o dä za gi usa mä nꞌa de nuꞌu̱ he̱ꞌmi ehe ha «Yä erramienta pa gä udihu̱».