Di jamädibihe Äjuä po näꞌä rä mhäte gi udihu̱

Nuꞌu̱ yä ku de rä mhuntsꞌi Tesalónica mi fatsꞌi märꞌaa mäske nuꞌu̱ ꞌnehe mi thogi po yä xuñha (2Te 1:3, 4) Geꞌä thogi ꞌnehe mäpaya ha rä hnini Äjuä. Nuꞌu̱ yä artikulo di tinihu̱ ha jw.org/ote ha rä sección «Hanja di usahe nuꞌu̱ yä donäsio», udi ge po mäde de nuꞌu̱ yä donäsio gi unihu̱ di tꞌumbäbi rä mfatsꞌi nuꞌu̱ yä zi ku di ñhandui yä tsꞌo thogi o rä ñhoya. ¡Xa di jamädihe zi kuhu̱ po näꞌä rä mhäte gi udihu̱!

HYANDIHU̱ RÄ BIDEO NZÄNTHO «DI UMBÄBIHE NJAMÄDI ÄJUÄ PO RÄNGEꞌÄHU̱». MꞌE̱FA THÄDIHU̱ NUYA YÄ NTꞌANI:

• ¿Pa te di ñꞌusa nuꞌu̱ yä donäsio di unihu̱?

• ¿Hanja dä za gä fatsꞌihu̱ nuꞌu̱ yä ku japäbi mꞌe̱di rä mfatsꞌi? (Hyandi rä artikulo «Nuꞌu̱ jabi, fatsꞌi nuꞌu̱ hinte pe̱ꞌtsi»).