Fatsꞌi nuꞌu̱ ri estudiante pa dä yꞌo̱tꞌe yä amigo Jeoba

Jeoba xa di johya ora di pe̱päbihu̱ po näꞌä rä mhäte di sentihu̱ po geꞌä (Mt 22:37, 38). Rä mhäte geꞌä ma dä matsꞌi nuꞌu̱ mä estudiantehu̱ pa dä ja yä mpadi ha yä mꞌu̱i, pa dä umbäbi yä te Äjuä ꞌne dä nxixtehe (1Jn 5:3).

Fatsꞌi näꞌä ri estudiante pa dä hyandi ge Jeoba xa di mädi. Ora gi umbäbi rä curso, dä hogi gi yꞌambäbi: «¿Te utꞌäꞌi de Jeoba nunä di nxadihu̱? ¿Hanja udi ge Jeoba xa di mäꞌäꞌi?». Mu̱ gi jabu̱, ma gi fatsꞌi dä hyandäse̱ te pe̱fi Jeoba po geꞌä (2Cr 16:9). Petuäbi hanja xkä handi ge rä Zi Dada Jeoba xä dädi nuꞌu̱ ri sadi, ꞌne bembäbi ge Jeoba geꞌä ma dä me̱fi ko nuꞌu̱ yä sadi ꞌnehe. Nuꞌi xa ma gi johya xki hyandi ge nuꞌu̱ ri estudiante mädi ꞌne pe̱ꞌtsi nꞌa rä hogä ntsitsꞌi ko rä Zi Dada Jeoba.

HYANDIHU̱ RÄ BIDEO FATSꞌI NUꞌU̱ RI ESTUDIANTE PA DÄ YꞌO̱TꞌE YÄ AMIGO JEOBA. MꞌE̱FA THÄDIHU̱ NUYA YÄ NTꞌANI:

• 

  ¿Te mä prueba bi ñhandui Coral?

• 

  ¿Te bi me̱fi Rita pa bi matsꞌi?

• 

  ¿Te bi me̱fi Coral pa bi däpäbi näꞌä rä prueba mi ñhandui?