Rä mfädi mänꞌa di bale ke rä oro

Salomón bi yꞌapäbi rä Zi Dada Jeoba ge xä umbäbi rä mfädi (1Re 3:7-9; w11-S 15/12 rä nxii 8, yä parr. 4-6).

Rä Zi Dada Jeoba xa bi numäñho näꞌä bi yꞌadi Salomón (1Re 3:10-13).

Durante näꞌä rä tiempo bi mända Salomón, gatꞌho rä hnini Israel bi ꞌmu̱i temäꞌentho ngeꞌä Salomón bi balora rä mfädi Äjuä (1Re 4:25).

Nꞌa rä jäꞌi näꞌä ja rä mfädi, honi dä ntiende xä ñho nꞌa rä asunto pa dä huahni nꞌa rä hogä desision. Rä mfädi mänꞌa di bale ke rä oro (Pr 16:16). Pa gä hänihu̱ rä mfädi Äjuä mähyoni gä apäbihu̱, gä pe̱ꞌspäbihu̱ rä tꞌekꞌei, gä udihu̱ rä umilda ꞌne gä nxadihu̱ rä Biblia.