Näꞌä rä pasensia Jeoba, ja rä limite

Rä Zi Dada Jeoba bi hye̱gi yä me Israel bi dagi ha yä yꞌe̱ yä me Asiria (2Re 17:5, 6; it-2-S rä nxii 903, rä parr. 6).

Rä hnini Israel mi pe̱fi rꞌa yä tꞌo̱tꞌe nuꞌu̱ mi ofende rä Zi Dada Jeoba. Hänge Jeoba bi hyopi bi thogi ndunthi yä xuñha (2Re 17:9-12; it-1-S rä nxii 444).

Rä Zi Dada Jeoba mi pe̱ꞌspäbi ndunthi rä pasensia rä hnini Israel. Xa mi bäntebi dä paati nuꞌu̱ yä ꞌñuu xki gu̱u̱ ꞌne bi xipäbi te ma xä thogi mu̱ hinxä yꞌo̱de (2Re 17:13, 14).

Rä Zi Dada Jeoba xa di mädi gatꞌho yä jäꞌi ꞌne pe̱ꞌspäbi ndunthi rä pasensia (2Pe 3:9). Pe rä pasensia ja rä limite ꞌne ma dä huati gatꞌho nuꞌu̱ yä tsꞌomꞌu̱i jäꞌi. Hänge mähyoni gä ñꞌanise̱hu̱: «¿Te debe gä pe̱fi ora rä Zi Dada Jeoba rꞌakägi yä konseho? ¿Hängu rä so̱ni di pe̱ꞌtsi de gä predikabi gatꞌho yä jäꞌi?».