Pe̱päbi mä nꞌa tu̱i Jeoba durante nuꞌu̱ yä zänä de rä Fenäte de rä du rä Hesu

Yä testigo rä Jeoba di to̱ꞌmihu̱ ko ndunthi rä johya näꞌä rä pa tagi rä Fenäte de rä du rä Hesu. Nuꞌu̱ yä pa änte ꞌne mꞌe̱fa de nunä Fenäte, di probechahu̱ gatꞌho nuꞌu̱ yä oportunida di pe̱ꞌtsihu̱ pa di eꞌspäbihu̱ rä nsu rä Zi Dada Jeoba, ꞌne pa di umbäbihu̱ njamädi ngeꞌä bä pe̱hni rä Tꞌu̱ pa bi du po gekhu̱ (Ef 1:3, 7). ¿Te di pe̱fihu̱? Di mbitabihu̱ yä zi jäꞌi pa dä ntini ꞌnehe ha nunä Fenäte. Rꞌa yä ku di mprecursor auxiliar durante yä zänä märso o abril, ngeꞌä di probecha ge nuya yä zänä dä za dä uni 30 o 50 yä ora. Xi nuꞌi, ¿ꞌnehe gi hohmä gi predika mä nꞌa tu̱i durante nuya yä zänä tagi rä Fenäte? Mu̱ hää, ¿te dä za gi pe̱fi?

Toꞌo di planea dende änte, mänꞌa po̱ni xä ñho näꞌä pe̱fi (Pr 21:5). Nguntꞌä ya ma dä datꞌi rä Fenäte, hänge dende nubye̱ fu̱di gi planea te ma gi pe̱fi. Hyandi dende nubye̱ hanja dä za gi pe̱päbi mä nꞌa tu̱i rä Zi Dada Jeoba durante nuya yä zänä. Yꞌapäbi rä Zi Dada Jeoba ge dä jäpi näꞌä gi beni gi pe̱fi (1Jn 5:14, 15).

¿Ngu te dä za gi pe̱fi durante nuya yä zänä de rä Fenäte?