Ogi ꞌme̱di rä johya mäske yä tꞌo̱tꞌe hingi po̱ni ja ngu gi to̱ꞌmi

Hängu mi ne rä rey David dä hyoki nꞌa rä templo pa rä Zi Dada Jeoba (1Cr 17:1, 2; w06-S 15/7 rä nxii 19, rä parr. 1).

Rä Zi Dada Jeoba bi ꞌñembäbi rä rey David ge hingä go ma xä hyoki näꞌä rä templo (1Cr 17:4).

Rä rey David bi sigi bi kumpli ko näꞌä rä ꞌme̱fi xki nkargobi rä Zi Dada Jeoba (1Cr 17:7; 18:14).

Mu̱ ya grä zi däta jäꞌi, gi hñeni o gi thogi mä nꞌa rä däta xuñha näꞌä hingi hoꞌi gi pe̱päbi rä Zi Dada Jeoba ja ngu gi nehmä, zäi ge jaꞌi gi turimu̱i. Pe mänꞌa dä hogi go gi hyandi näꞌä hää dä za gi pe̱fi, ꞌne ja ko ngatꞌho ri koraso (Hch 18:5; w21.08-S rä nxii 22, rä parr. 11).