Yan Zabolotnyi/stock.adobe.com
¡ÑHOKI ꞌNE NDO̱ꞌMIHU̱!
Po gatꞌho rä xiꞌmhai xi ja ndunthi yä ntsꞌomꞌu̱i | ¿Te udi rä Biblia?
Ha Haití nuꞌu̱ yä grupo de yä tsꞌomꞌu̱i jäꞌi hämpäbi yä xuñha märꞌaa. Nuꞌu̱ yä jäꞌi o̱tꞌe yä delito ꞌne o̱tuäbi yä ntsꞌomꞌu̱i märꞌaa ꞌñenä nꞌa rä plaga po gatꞌho Sudáfrica, Mꞌonda ꞌne ha märꞌa yä dähni de Latinoamérica. ꞌNehe asta nuꞌu̱ yä luga habu̱ mä mꞌe̱tꞌo mi otho ndunthi yä tsꞌomꞌu̱i. Koꞌmu̱ nuꞌu̱ yä tsꞌomꞌu̱i ku̱ꞌti ha yä nguu pa di mpe, po rängeꞌä ndunthi yä jäꞌi xa tsu ꞌne tuyämu̱i.
¿Te udi rä Biblia de por hanja ja ndunthi yä ntsꞌomꞌu̱i po gatꞌho rä xiꞌmhai?
Rä Biblia bi mää ge ma xä nja ndunthi yä ntsꞌomꞌu̱i
Rä Biblia bi mää ge nuꞌu̱ yä ntsꞌomꞌu̱i di nheki mäpaya geꞌä nꞌa rä seña näꞌä udi ge di ꞌmu̱ihu̱ ha näꞌä rä tiempo tꞌembäbi «rä fin de nuꞌu̱ yä tsꞌo tꞌo̱tꞌe ja ha rä xiꞌmhai» (Mateo 24:3). Rä Hesu bi mää te mä seña ma xä nheki ora bi ꞌñenä:
«Ndunthi yä jäꞌi ma dä ꞌme̱di rä mhäte ngeꞌä mänꞌa xi ma dä ndängi yä tsꞌoki ha gatꞌho rä xiꞌmhai» (Mateo 24:12).
ꞌNe ha nuꞌu̱ «yä gäxä pa», rä Biblia bi mää te mä mꞌu̱i ma xä me̱ꞌtsi yä jäꞌi: «Hingä ma dä dominä yä mfeni, hinte mä nhuekäte ma dä senti, hingä ma dä mädi näꞌä xä ñho» (2 Timoteo 3:1-5). Nuꞌu̱ yä jäꞌi honi yä ñhose̱ hingi udi rä tꞌekꞌei po nuꞌu̱ yä mhända xä hñutsꞌi rä gobiernu.
Pe hingä nzäntho ma dä njabu̱. Rä Biblia udi ge mänꞌitꞌho ma dä uadi gatꞌho nuꞌu̱ yä tsꞌo tꞌo̱tꞌe di nheki ꞌne gatꞌho nuꞌu̱ yä bo̱ka jäꞌi o̱tꞌe yä ntsꞌomꞌu̱i.
«Tsꞌu̱tho yä pa di mꞌe̱di pa dä uadi gatꞌho yä tsꞌomꞌu̱i jäꞌi; ꞌne ma gi hyoni habu̱ mi mꞌu̱i, pe ya hingä ma gi hyandi. Pe nuꞌu̱ yä mänxo jäꞌi, geꞌu̱ ma dä mꞌu̱i ha rä xiꞌmhai, ꞌne ma dä me̱ꞌtsi nꞌa rä mꞌu̱i temäꞌentho ko ndunthi rä johya» (Salmo 37:10, 11).
¿Te mää rä Biblia de näꞌä rä humu̱i ja pa xudi ndämäni? ¿Po hanja dä za gä ꞌmu̱ihu̱ seguro ge nuꞌu̱ yä tsꞌo tꞌo̱tꞌe di handihu̱ mäpaya di kumpli nuꞌu̱ yä profecía ehe ha rä Biblia? Pa gi pädi, heti nuya yä artículo:
“Äjuä ma dä hä nꞌa rä mꞌu̱i temäꞌentho”