14-20 DE RÄ JULIO

PROVERBIOS 22

Rä jähñä 79 ꞌne rä sadi | Mää te ma gä pädihu̱ (1 min.)

YÄ TESORO DE RÄ NOYA ÄJUÄ

1. Yä konseho pa gi tede ri bätsi

(10 min.)

ꞌÑuti ri bätsi pa dä ñhandui nuꞌu̱ yä xuñha dä ꞌñepäbi (Pr 22:3; w20.10-S rä nxii 27, rä parr. 7).

Fu̱di gi ꞌñuti dende dä mꞌu̱i (Pr 22:6; w19.12-S rä nxii 26, yä parr. 17-19).

Ora ma gi umbäbi nꞌa rä konseho, ja ko rä mhäte (Pr 22:15; cl-S rä nxii 100, rä parr. 10).

Ko ndunthi rä mhäte nꞌa rä dada uti rä zi tꞌixu te mää rä Mäkä Tꞌofo de mä Hyokätehu̱. Ha rä tablet di nheki hanja segun yä jäꞌi ehe de yä nzu̱pa.

2. Hyoni hanja dä maxꞌäꞌi rä Noya Äjuä

(10 min.)

Pr 22:29. ¿Hanja dä za gä pe̱fihu̱ nunä konseho ha rä mhuntsꞌi, ꞌne hanja di benefisiagihu̱? (w21.08-S rä nxii 22, rä parr. 11).

Rä mpengi
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?

Rä mpengi

3. Hñeti rä he̱ꞌmi

(4 min.) lff rä lección 37, rä mu̱di parrafo ꞌne yä punto 1-3 (th rä lección 10).

MA GÄ UDIHU̱ MÄNꞌA XÄ ÑHO

4. Fu̱di gi ñäui yä jäꞌi

(3 min.) PREDIKA HA YÄ NGUU. (lmd rä lección 5 rä punto 4).

5. Fu̱di gi ñäui yä jäꞌi

(4 min.) PREDIKA HABU̱ GATꞌHO GI YꞌO. Fatsꞌi näꞌä rä jäꞌi dä hyoni ha jw.org nꞌa rä imformäsio näꞌä dä za dä matsꞌi yä dada (lmd rä lección 1 rä punto 4).

6. Discurso

(5 min.) Usa rä artículo ijwyp-S 100. Título: Hindä o̱de näꞌä bi sikägi. . . ¿Te dä za gä pe̱fibye̱? (th rä lección 20).

MÄ MꞌU̱IHU̱ NGU YÄ KRISTIANU

Rä jähñä 134

7. ꞌÑudi rä pasensia, pe ogi hopi dä me̱fi näꞌä go dä ne

(15 min.) Yꞌapäbi rä mfatsꞌi nuꞌu̱ xä ntini.

Pa gi tede ri bätsi di ja mꞌe̱di ndunthi rä pasensia. Yä dada debe dä ꞌueke rä tiempo pa dä jamäsu yä bätsi (Dt 6:6, 7). Pa dä bädi te ja ha yä koraso yä bätsi, yä dada debe dä yꞌo̱tsꞌe xä ñho te xipäbi (Pr 20:5). Rꞌabu̱ ma dä ja mꞌe̱di ge yä dada dä bembäbi mänꞌaki nuꞌu̱ yä konseho ya xki umbäbi pa njabu̱ yä bätsi dä ntiende ꞌne dä me̱fi.

Mäske yä dada debe dä ꞌñudi rä pasensia, hingä po rängeꞌä ma dä hye̱gi ge yä bätsi dä me̱fi näꞌä go dä ne. Rä Zi Dada Jeoba xä umbäbi rä autorida yä dada pa go dä mända yä bätsi, ꞌne dä umbäbi yä konseho ora hingi o̱de (Pr 6:20; 23:13).

Hñeti Efesios 4:31. Mꞌe̱fa yꞌambäbi nuꞌu̱ xä ntini:

¿Por hanja yä dada hindi debe dä zu̱i yä bätsi ko rä kue̱?

Rä mpengi

Hñeti Gálatas 6:7. Mꞌe̱fa yꞌambäbi nuꞌu̱ xä ntini:

¿Por hanja xa mähyoni ge yä dada dä ꞌñuti yä bätsi ge ma dä xofo näꞌä potꞌi?

Rä mpengi

Nꞌa rä kꞌoi de rä bideo «Pe̱ꞌtsihu̱ rä pasensia ꞌne tratahu̱ märꞌaa ko rä mhäte: Ri bätsi». Ko rä pasensia Max o̱de te xipäbi rä zi tꞌixu, Sue.

Yꞌe̱ntsꞌihu̱ rä BIDEO Pe̱ꞌtsihu̱ rä pasensia ꞌne tratahu̱ märꞌaa ko rä mhäte: Ri bätsi. Mꞌe̱fa yꞌambäbi nuꞌu̱ xä ntini:

¿Te dä za gä pädihu̱ de nunä rä bideo?

Rä mpengi

8. Ntꞌudi de rä Mäkä Tꞌofo ha rä mhuntsꞌi

(30 min.) bt rä ntheke 26 yä parrafo 18-22, ꞌne rä recuadro de rä nxii 209.