RÄ LECCIÓN 48
Huahni xä ñho nuꞌu̱ ri amigo
Yä hogä amigo umbäbi rä johya mä bidahu̱ ꞌne faxkägihu̱ ora di thogihu̱ yä xuñha. Pe rä Biblia xikägihu̱ ge hingä gatꞌho yä jäꞌi yä hogä amigo. Nuꞌmu̱, ¿hanja dä za gä huahnihu̱ yä hogä amigo? Geꞌä ma gä pädihu̱ ha nunä lección.
1. Nuꞌu̱ ri amigo gi huahni, ¿hanja dä za dä perjudikaꞌi o dä benefisiaꞌi?
Nuꞌu̱ yä amigo di pe̱ꞌtsihu̱, ko rä tiempo ho̱xkägihu̱ yä mꞌu̱i. Rä Biblia enä: «Toꞌo di ñꞌoui nuꞌu̱ yä jäꞌi ja yä mfädi, ma dä nja yä mfädi ꞌnehe. Pe toꞌo di ñꞌoui nuꞌu̱ yä dondo [nuꞌu̱ hingi mädi rä Zi Dada Jeoba], hingä ma dä mabi xä ñho» (Proverbios 13:20). Nuꞌu̱ yä hogä amigo ma dä maxꞌäꞌi gi mädi ꞌne gi pe̱ꞌtsi nꞌa rä hogä ntsitsꞌi ko rä Zi Dada Jeoba, ꞌne ma dä maxꞌäꞌi gi huahni nꞌa rä ꞌñuu xä ñho. Pe mu̱ gi pe̱ꞌtsi yä amigo nuꞌu̱ hingi pe̱päbi rä Zi Dada Jeoba, ko rä tiempo nuꞌu̱ ma dä jaꞌi gi ꞌuengi de Geꞌä. Konrason rä Noya Äjuä xikägihu̱ ge mähyoni gä huahnihu̱ xä ñho toꞌo di o̱tꞌe mä amigohu̱. Mu̱ nuꞌu̱ yä amigo di pe̱ꞌtsihu̱ ꞌnehe di mädi rä Zi Dada Jeoba—tanto nuꞌu̱ ngu nuju̱—di benefisiahu̱. ꞌNehe dä za gä pe̱fihu̱ näꞌä xikägihu̱ rä Biblia ora enä: «Sigi gi hñuꞌmpämu̱ihu̱ nꞌa ngu mänꞌaa ꞌne nupämfenihu̱ nꞌa ngu mänꞌaa» (1 Tesalonicenses 5:11, TNM).
2. ¿Te di mbeni ꞌne te di senti rä Zi Dada Jeoba ko nuꞌu̱ ri amigo gi huahni?
Rä Zi Dada Jeoba huahni xä ñho toꞌo dä yꞌo̱tꞌe yä amigo. Rä Biblia enä ge Äjuä «pe̱ꞌtsi nꞌa rä hogä ntsitsꞌi ko nuꞌu̱ pe̱fi näꞌä xä ñho» (Proverbios 3:32). Mu̱ gi o̱tꞌe ri amigo nuꞌu̱ yä jäꞌi hingi mädi rä Zi Dada Jeoba, ¿hanja gi kamfri ge ma dä sentiꞌä? ¡Näꞌä xa ma dä u̱ rä mfeni! (Hñeti Santiago 4:4, TNM). Pe mu̱ di ꞌuegehu̱ de nuꞌu̱ yä tsꞌo ntsitsꞌi ꞌne di o̱tꞌehu̱ mä amigohu̱ nuꞌu̱ yä jäꞌi di mädi rä Zi Dada Jeoba, Näꞌä xa ma dä johya ꞌne ma dä nugägihu̱ ngu yä amigo (Salmo 15:1-4).
HANJA DÄ ZA DÄ MAXꞌÄꞌI RÄ NOYA ÄJUÄ
Ma gä pädihu̱ por hanja xa mähyoni gä huahnihu̱ yä hogä amigo ꞌne te dä za gä pe̱fihu̱ pa gä tinihu̱ yä hogä amigo.
3. ꞌUege de nuꞌu̱ yä tsꞌo ntsitsꞌi
¿Toꞌo nuꞌu̱ yä tsꞌo ntsitsꞌi? Gatꞌho nuꞌu̱ yä jäꞌi hingi mädi rä Zi Dada Jeoba nixi di respetabi yä mhända. Yꞌe̱ntsꞌihu̱ rä BIDEO, ꞌnepu̱ thädihu̱ nunä rä ntꞌani:
¿Hanja dä za gä fu̱dihu̱ gä pe̱ꞌtsihu̱ yä tsꞌo ntsitsꞌi nsinke gä dahu̱ ngue̱nda?
Hñetihu̱ 1 Corintios 15:33, TNM, ꞌnepu̱ thädihu̱ nuya yä ntꞌani:
Xi nuꞌi, ¿gi kamfri ge gi pe̱ꞌtsi yä tsꞌo ntsitsꞌi? ¿Por hanja?
Hñetihu̱ Salmo 119:63, ꞌnepu̱ thädihu̱ nunä rä ntꞌani:
Xi nuꞌi, ¿te debe gi hyandi de nꞌa rä jäꞌi näꞌä gi ne gi yꞌo̱tꞌe ri amigo?
Mu̱ ha nꞌa rä ximo ku̱ yä hogä fruta pe jabu̱ nꞌa näꞌä xä yꞌaa, ko rä tiempo gatꞌho ma dä yꞌaa. Xi nuꞌi, ¿hanja gi kamfri ge ma dä perjudikaꞌi yä tsꞌo amigo?
4. Ha rä hnini rä Zi Dada Jeoba dä za gä tinihu̱ ndunthi yä amigo mäske di handihu̱ ge nuꞌu̱ nꞌañꞌo de gekhu̱
Rä Biblia pede ge David ꞌne Jonatán xa mi ñꞌamigo mäske David näꞌä mänꞌa mrä bäsjäꞌi ke Jonatán, ꞌne Jonatán näꞌä mrä tꞌu̱ nꞌa rä rey. Hñetihu̱ 1 Samuel 18:1, ꞌnepu̱ thädihu̱ nunä rä ntꞌani:
¿Por hanja dä za gä o̱tꞌehu̱ mä amigohu̱ märꞌaa, hindi mporta ua mädä o mbätsi ke gekhu̱, o ua yä riko o yä hyoya?
Hñetihu̱ Romanos 1:11, 12, TNM, ꞌnepu̱ thädihu̱ nunä rä ntꞌani:
Mu̱ tanto nuju̱ ngu nuꞌu̱ mä amigo di pe̱ꞌtsihu̱ di mädihu̱ rä Zi Dada Jeoba, ¿hanja dä za gä nupä mfenihu̱ nꞌa ngu mänꞌaa?
Ma gä handihu̱ hanja nꞌa rä bäsjäꞌi bi dini nꞌa rä hogä amigo. Yꞌe̱ntsꞌihu̱ rä BIDEO, ꞌnepu̱ thädihu̱ nuya yä ntꞌani:
Ja ngu dä handihu̱ ha rä bideo, ¿por hanja rꞌa yä dada xa mi tuyämu̱i po nuꞌu̱ yä amigo mi pe̱ꞌtsi rä tꞌu̱ ha rä skuela?
¿Te mi ho näꞌä rä bäsjäꞌi de nuꞌu̱ yä amigo mi pe̱ꞌtsi ha rä skuela?
¿Te bi me̱fi näꞌä rä bäsjäꞌi pa njabu̱ bi dini nꞌa rä hogä amigo?
5. Hanja dä za gi pe̱ꞌtsi yä hogä amigo
Hyandi hanja dä za gi tini yä hogä amigo ꞌne te dä za gi pe̱fi pa njabu̱ märꞌaa dä hyantꞌäꞌi ngu nꞌa rä hogä amigo. Yꞌe̱ntsꞌihu̱ rä BIDEO.
Hñetihu̱ Proverbios 18:24 ꞌne 27:17, ꞌnepu̱ thädihu̱ nuya yä ntꞌani:
¿Hanja di mfatsꞌi nꞌa ngu mänꞌaa nuꞌu̱ yä hogä amigo?
Xi nuꞌi, ¿gi pe̱ꞌtsi yä hogä amigo nuꞌu̱ faxꞌäꞌi ja ngu mängä nuꞌu̱ yä testo dä hetihu̱? Mu̱ hinä, ¿te dä za gi pe̱fi pa njabu̱ gi tini nuꞌu̱ yä hogä amigo?
Hñetihu̱ Filipenses 2:4, ꞌnepu̱ thädihu̱ nunä rä ntꞌani:
Pa gi pe̱ꞌtsi yä hogä amigo, mähyoni dä thantꞌäꞌi ꞌnehe ngu nꞌa rä hogä amigo. Hänge, ¿te dä za gi pe̱fi pa njabu̱ dä thantꞌäꞌi ngu nꞌa rä hogä amigo?
Pa gi pe̱ꞌtsi yä hogä amigo, mähyoni dä thantꞌäꞌi ꞌnehe ngu nꞌa rä hogä amigo.
RꞌA YÄ JÄꞌI ENÄ: «Mäjuäni ge hingä yä hogä amigo nuyu̱ di pe̱ꞌtsi. Pe̱ mu̱ gä tsopu̱, ¿habu̱ ma gä tini märꞌaa?».
Mu̱ nꞌa rä jäꞌi dä mängä njabu̱, ¿te ma gi xipäbi?
NÄꞌÄ DÄ PÄDIHU̱
Ora di huahnihu̱ yä hogä amigo, pa mä ñhouise̱hu̱ ꞌne di johyabihu̱ rä koraso rä Zi Dada Jeoba.
Pa gä benihu̱
¿Por hanja rä Zi Dada Jeoba di mportabi toꞌo di huahnihu̱ ngu mä amigohu̱?
¿Toꞌo hindi debe gä huahnihu̱ ngu mä amigohu̱?
¿Te dä za gi pe̱fi pa njabu̱ dä te ꞌne dä dura näꞌä rä ntsitsꞌi gi pe̱ꞌtsi ko nuꞌu̱ yä hogä amigo?
HABU̱ DÄ ZA GI PÄDI MÄ NꞌA TU̱I
Hyandi hanja nuꞌu̱ yä hogä amigo dä za dä maxkägihu̱ ora di thogihu̱ yä xuñha.
«Japi dä ze̱di ri ntsitsꞌi ko yä ku änte dä zo̱ho̱ rä fin» (La Atalaya, noviembre de 2019)
Pädi te dä za gi pe̱fi pa gi pe̱ꞌtsi yä hogä amigo.
¿Te debe gi pädi de nuꞌu̱ yä amigo gi tini ha Internet?
Ha rä esperiensia «Dä tini nꞌa rä hogä dada», hyandi hanja nꞌa rä zi ñꞌo̱ho̱ bi desidi bi paati nuꞌu̱ yä amigo mi pe̱ꞌtsi.
«Rä Mäkä Tꞌofo bi patuäbi yä mꞌu̱i» (La Atalaya, 1 de abril de 2012)