ꞌÑudi rä nhuekäte

Näꞌä bi me̱fi rä Hesu

RÄ BIDEO: Rä Hesu bi hueki yä zi jäꞌi

1. Hyandi rä BIDEO o hñeti Marcos 6:​30-34. ꞌNepu̱ thädi nuya yä ntꞌani:

1. ¿Por hanja rä Hesu ꞌne nuꞌu̱ yä de̱ni mi ne dä «ꞌuege nꞌambu̱se̱»?

2. ¿Te bi zitsꞌi rä Hesu dä ꞌñuti yä zi jäꞌi de Äjuä?

¿Te utkägihu̱ rä ejemplo rä Hesu?

2. Mähyoni gä udihu̱ ko näꞌä di pe̱fihu̱ ge xa mäjuäni di huekihu̱ yä jäꞌi ꞌne ge di ne gä fatsꞌihu̱, hingä ho̱nse̱ di ne gä kumplihu̱ ko näꞌä rä ꞌme̱fi xä tꞌakägihu̱.

De̱mbäbi rä ejemplo rä Hesu

3. Jamäsu näꞌä mängä yä jäꞌi. Ora nꞌa rä jäꞌi xiꞌäꞌi näꞌä di mbeni, yꞌo̱de xä ñho. Jamäsu gatꞌho näꞌä xiꞌäꞌi ꞌne näꞌä senti. Mu̱ gi jabu̱, näꞌä zi jäꞌi ma dä da ngue̱nda ge xa mäjuäni gi turimu̱i po geꞌä.

4. Hyoni hanja gi fatsꞌi. Beni de te gatꞌho xkä ñähu̱ ꞌne ñꞌanise̱:

1. «¿Por hanja japäbi mꞌe̱di dä bädi de Äjuä?».

2. «¿Te mä jäpi ma dä hñäni nubye̱ ꞌne xudi ndämäni mu̱ dä nxadi rä Mäkä Tꞌofo?».

5. Huahni te mä imformäsio dä hogi gi ꞌñuti. ꞌÑuti te mä benefisio ma dä me̱ꞌtsi dende nubye̱, ꞌne te mä jäpi ma dä hñäni xudi ndämäni mu̱ dä nxadi rä Mäkä Tꞌofo.