RÄ LECCIÓN 11

Ñä ko rä johya

Romanos 12:11, TNM

NÄꞌÄ MÄHYONI GI PE̱FI: Pa gi nupäbi yä mfeni ꞌne gi tso̱mbäbi ha yä koraso nuꞌu̱ toꞌo o̱xꞌäꞌi, mähyoni gi ñä ko rä johya.

Hyoki ri mfeni ꞌne ri koraso. Ora gi ñhoki ko rä imformasion, ntso̱ꞌmi por hanja xa mähyoni näꞌä ma gi ꞌñudi. Pa dä nheki ge gi ꞌmu̱i kombensido ꞌne ge gi ñä dende ha ri koraso, nxadi xä ñho rä imformasion.
Yꞌo̱tꞌe ngue̱nda nuꞌu̱ toꞌo ma dä yꞌo̱xꞌäꞌi. Ntso̱ꞌmi hanja ma dä benefisiabiꞌu̱ näꞌä rä imformasion ma gi ꞌñudi o ma gi hñeti. Mbeni hanja ma gi presenta rä imformasion, pa njabu̱ nuꞌu̱ toꞌo o̱xꞌäꞌi dä ntiende ꞌne dä hyandi hanja di benefisiabi.
Umbäbi rä te näꞌä rä imformasion. Ñä ko rä johya. Ogi pumfri ge nuꞌu̱ yä ademán ꞌne nuꞌu̱ yä gesto gi ja, udi te xa mäjuäni gi senti ꞌne näꞌä ja mbo ha ri koraso.

Mu̱ njatꞌä gi ja nꞌa rä gesto, nuꞌu̱ toꞌo o̱xꞌäꞌi ma dä distrae. Asegura ge nuꞌu̱ ri gesto dä nthe̱ ko näꞌä gi mää. Ñä ko rä johya ora ma gi esplika nuꞌu̱ yä punto xa mähyoni ꞌne ora ma gi nupäbi yä mfeni nuꞌu̱ toꞌo o̱xꞌäꞌi pa dä aplika ha yä mꞌu̱i rä imformasion. Beni ge mähyoni gi ñä ko rä johya; pe ho̱nse̱ nuꞌmu̱ di ja mꞌe̱di. Mu̱ gi jabu̱, hingä ma dä mfada nuꞌu̱ toꞌo o̱xꞌäꞌi.