RÄ LECCIÓN 10

Kontrola ri voz

Proverbios 8:4, 7

NÄꞌÄ MÄHYONI GI PE̱FI: Pa gi tso̱mbäbi ha yä koraso nuꞌu̱ toꞌo o̱xꞌäꞌi, mähyoni gi po̱ꞌtse o gi käꞌmi ri voz, gi paati rä tono ri voz ꞌne gi ñä mä nguntꞌä o mä zi njante.

HANJA DÄ ZA GI PE̱FI

Po̱ꞌtse o käꞌmi rä bolume ri voz. Mu̱ ma gi ꞌñudi o ma gi hñeti nꞌa rä punto näꞌä xa mähyoni, o mu̱ gi ne ge nuꞌu̱ toꞌo o̱xꞌäꞌi dä aplika nꞌa rä tsꞌofo, dä hogi gi ju̱xä ri voz. Geꞌätho debe gi pe̱fi ora ma gi hñeti nuꞌu̱ yä juisio xä mängä Jeoba. Pe rꞌabu̱ ma dä ja mꞌe̱di gi hñeti de gä ntsu o de gä dumu̱i, nubye̱ dä hogi gi käꞌmi ri voz.

Mu̱ njatꞌä gi ju̱xä ri voz, nuꞌu̱ toꞌo o̱xꞌäꞌi ma dä mbeni ge gi tsu̱i. ꞌNehe, ora gi udi yꞌo̱tꞌe ntsꞌe̱di po gi tso̱mbäbi ha yä koraso nuꞌu̱ toꞌo o̱xꞌäꞌi, en lugar de hyoni gi ꞌñexäse̱ ri nsu.
Paati rä tono ri voz. Ora xa gi johya, ora gi udi te ngu rä ndäta nꞌa rä tꞌo̱tꞌe o te ngu rä yabu̱ nꞌa rä luga, dä hogi gi japäbi näꞌä rä tono ri ꞌñehe. Geꞌätho dä hogi gi pe̱fi ora ma gi hñeti o ma gi mängä rꞌa yä noya de gä dumu̱i.
Ñä mä nguntꞌä o mä zi njante. Pa gi ꞌñudi ge xa gi johya, ñä mä nguntꞌä. Pe ora ma gi ꞌñudi nꞌa rä punto näꞌä xa mähyoni, ñä mä zi njante.

Ogi dämä paati ri voz pa hingi pidi toꞌo o̱xꞌäꞌi. ꞌNehe, yꞌo̱tꞌe ntsꞌe̱di po gi mängä xä ñho yä noya, en lugar de xa gi ñä nguntꞌä ꞌne hinto dä ntiendeꞌi.