Ankja má da zo gi pädí kada ʼna de gehya ntʼudi
Xödí nuná he̱ʼmi ko ʼna kjäʼni pa da úhtiki. Da zo gi xiʼ kʼa kjäʼni bi naʼki nuná he̱ʼmi da úhtiki de nu̱ Biblia o da zo gi ʼyödi da tʼúhtiki po madé nu ma sitiohe ga internet, jw.org.
ʼME̱TʼO THEHKE
Xödí goʼtho yu̱ párrafo. Kada ʼna de yu̱ ntʼöni i peʼtsi ʼna ro número (A) nihi yu̱ xe̱ni de nu̱ Biblia ba íʼ má ra mbötí (B) pa má da mphädi kʼa i ne da mä. Nú ge ha ro hio de ʼra yä xe̱ni de nu̱ Biblia i mä ge gi xödí.
YOHO THEHKE
Kʼa ʼme̱tʼo párrafo de kʼa ntʼudi “Ma pädihu̱ má ra ngu de nu̱ tema” i mä kʼa go ma núhu̱ (C). Ku̱ subtítulo i peʼtsi ʼna ro número i úhtigihu̱ kʼa má da zo go pädihu̱ (D). Xödí yu̱ xe̱ni de nu̱ Biblia, thädí yu̱ ntʼöni nihi nú yu̱ video (E).
Nú ra zo yu̱ nkʼoi nihi kʼa xi nthuxpu̱ (F), nuyá mbeni ankja gi thädí de “Kʼa i mähmu̱ piʼra yä kjäʼni” (G).
HÑU THEHKE
Yu̱ ntʼudi ri guadi ko “Kʼa ko pädi” nihi ko “Kʼa tó núhu̱” (H). Mu̱ ti guadi kʼa nxödí de nu̱ ntʼudi, hñux kʼa mpa. Ha nu̱ recuadro i mä “Kjá nuná” i thsiʼkí kʼa gi pe̱fí pa má da te kʼa ri íhkji (I). Ha kʼa ntʼudi i mä “Má gi pädi de gehna” gi töti piʼra yä mföxte nihi yä video xi thahni pa nuke (J).
Ankja da zo gi töti ʼna xe̱ni de nu̱ Biblia
Mu̱ da tʼödí gi xödí nu̱ Biblia da thsiʼkí kʼa ro thuhu kʼa libro (A), kʼa thehke (B), nihi kʼa xe̱ni o ku̱ xe̱ni (C). ʼNa nkʼoi, Juan 17:3 i ne da mä “kʼa libro ga Juan, thehke 17, xe̱ni 3”.