¿A mi nkja ro nzahki rä Adán ko rä Eva ha rä chala joi mi ʼbu̱i ha Edén?

Rä Tsi Dada bi uni rä Adán ko rä Eva ndunthi yä nto̱te ra zo (Génesis 1:28)

Jehová bi yo̱te rä Eva, kʼa meetʼo ʼbehñä, nihi bi uni rä Adán pa di nthähtiui (Génesis 2:21, 22).

Rä Adán ko rä Eva gegeui mi peetsi rä ndoʼyo nihi rä mfeni ra ntaxi.

Gegeui mi mu̱bi ha kʼa chala joi mi ʼbu̱i ha Edén. Mi ʼbu̱i nʼa däthe nihi yä zuui nihi ndunthi yä zaa mi uni yä ixi.

Jehová mi ñäui ko rä Adán nihi ko rä Eva pa di uhtiui ndunthi yä nto̱te mbra zo. Mu̱ di neui di mu̱bi pa zäi, peetsi di o̱deui nihi di yʼo̱hteui rä Tsi Dada.

Rä Tsi Dada yä xkʼa mä ge hin di zaui kʼa ixi mbra ho̱ ha kʼa chala joi (Génesis 2:16, 17)

Nʼa anje bi nkja ro nkontra de rä Tsi Dada. Nunä ntsʼo anje ra thuhu Zithu.

Rä Tsi Dada bi xifi rä Adán ko rä Eva ge hin di zaui ro ixi kʼa zaa mi ho̱ ha kʼa chala joi. Mu̱ di zaui ro ixi de kʼa zaa, di duui.

Rä Zithu hi mi ne ge rä Adán ko rä Eva da yʼo̱hteui rä Tsi Dada Jehová. Po made nʼa rä kʼiña, bi xifi rä Eva ge mu̱ di zä kʼa ixi hin di du. Bi xifi ge di nkja ngu rä Tsi Dada. ¡Nʼa rä ndo̱ mbe̱thri kʼa bi mä! (Génesis 3:1-5.)